ന്യൂഡല്ഹി | ഇറാന് -ഇസ്റാഈല് സംഘര്ഷത്തിന്റെ പശ്ചാത്തലത്തില് രാജ്യാന്തര വിപണിയില് എണ്ണ വില കുതിക്കുന്നു. ഇന്ത്യ പ്രധാനമായും ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 80 ഡോളറിലേക്ക് അടുക്കുകയാണ്. അഞ്ചുമാസത്തിനിടയിലെ ഏറ്റവും ഉയര്ന്ന നിലയിലാണ് എണ്ണവില .ലോകത്തെ എണ്ണ, വാതക വിതരണത്തിന്റെ അഞ്ചിലൊന്നും കടന്നുപോകുന്ന ഹോര്മുസ് കടലിടുക്ക് അടച്ചുപൂട്ടാന് ഇറാന് പാര്ലമെന്റ് അംഗീകാരം നല്കിയത് എണ്ണവിലയെ സ്വാധീനിക്കുന്നതായി വിദഗ്ധര് പറയുന്നു
ജനുവരിക്ക് ശേഷമുള്ള ഏറ്റവും ഉയര്ന്ന നിരക്കാണിത്.
എണ്ണവില രണ്ടുശതമാനമാണ് ഉയര്ന്നത്. ജനുവരിക്ക് ശേഷമുള്ള ഏറ്റവും ഉയര്ന്ന നിരക്കാണിത്. ഇറാന്- ഇസ്റാഈല് സംഘര്ഷത്തില് അമേരിക്ക കൂടി പങ്കാളിയായതോടെയാണ് എണ്ണ വിലയില് വന് വര്ധനയുണ്ടായിരിക്കുന്നത്. . നഷ്ടത്തോടെയാണ് ഇന്ന് ഏഷ്യന് വിപണി വ്യാപാരം ആരംഭിച്ചത്. എണ്ണവിതരണത്തിലെ അനിശ്ചിതത്വം തന്നെയാണ് ഏഷ്യന് വിപണിയെയും ബാധിച്ചത്. ലോകത്ത് എണ്ണ ഉല്പ്പാദിപ്പിക്കുന്ന രാജ്യങ്ങളില് ഒന്പതാം സ്ഥാനത്താണ് ഇറാന്.
