വയനാട്: മാനന്തവാടി പിലാക്കാവ് കമ്പമലയിൽ കാട്ടുതീ പടർന്നുപിടിച്ചു. ഈ പ്രദേശത്ത് തീ ആളിപ്പടരുന്ന സ്ഥിതിയാണ്. പുൽമേടുകൾ നിറഞ്ഞ കമ്പമലയുടെ ഒരു ഭാഗം കത്തിനശിച്ചു.വനമേഖലയിലെ പുൽമേടിലാണ് നിലവിൽ തീയെങ്കിലും, ഇത് വനത്തിലേക്ക് കടക്കുമോയെന്ന ആശങ്കയും ഉയരുന്നുണ്ട്. കമ്പമലയിൽ പല ഭാഗത്തായി പുക ഉയരുന്നുണ്ട്. ചൂട് കൂടിയതാണ് തീപിടിക്കാൻ കാരണമെന്നാണ് കരുതുന്നത്.
വിവരം അറിഞ്ഞതോടെ വനംവകുപ്പ് സ്ഥലത്തെത്തി. തീ അണക്കുന്നതിനായി വനം വകുപ്പിലെ ഉദ്യോഗസ്ഥരും ഫയർ ഫോഴ്സ് സംഘവും ശ്രമിക്കുകയാണ്.
