മനാമ: ബഹ്റൈനില് ഉണ്ടായ വാഹനാപകടത്തില് നാലു മലയാളികള് മരിച്ചു. ആലിയില് ശൈഖ് ഖലീഫ ബിന് സല്മാന് ഹൈവേയിലുണ്ടായ അപകടത്തില് ഒരു തെലങ്കാന സ്വദേശിയും മരിച്ചിട്ടുണ്ട്.
കാറും ശുചീകരണട്രക്കും കൂട്ടിയിടിച്ചാണ് അപകടം. മരിച്ച അഞ്ചു പേരും മുഹറഖിലെ സ്വകാര്യ ആശുപത്രി ജീവനക്കാരാണ്.കോഴിക്കോട് സ്വദേശി വി പി മഹേഷ്, പെരിന്തല്മണ്ണ സ്വദേശി ജഗത് വാസുദേവന്, തൃശൂര് ചാലക്കുടി സ്വദേശി ഗൈദര് ജോര്ജ്, തലശേരി സ്വദേശി അഖില് രഘു , തെലങ്കാന സ്വദേശി സുമന് രാജണ്ണ എന്നിവരാണ് മരിച്ചത്.സല്മാബാദില് നിന്ന് മുഹറഖിലേക്ക് വരുകയായിരുന്ന കാറാണ് അപകടത്തില് പെട്ടത്. ആലിയില് രാത്രി പത്തു മണിയോടെയാണ് അപകടം. മൃതദേഹങ്ങള് സല്മാനിയ ആശുപത്രി മോര്ച്ചറിയില്. തുടര്നടപടികള് സ്വീകരിച്ചതായി ആഭ്യന്തര മന്ത്രാലയം അറിയിച്ചു.
ബഹ്റൈനില് വാഹനാപകടത്തില് മലയാളികള് മരിച്ചു
