ന്യൂഡല്ഹി: സംസ്ഥാനത്ത് കെ റെയില് അതിരടയാള കല്ലിടലിനെതിരേ പ്രതിഷേധം ശക്തമാവുന്നതിനിടെ സര്വേ നിര്ത്തിവയ്ക്കണമെന്നാവശ്യപ്പെട്ട് ഭൂവുടമകള് സമര്പ്പിച്ച ഹര്ജി തിങ്കളാഴ്ച സുപ്രീം കോടതി പരിഗണിക്കും. ഭൂമി ഏറ്റെടുക്കുന്നതിനായുള്ള സര്വേ റദ്ദാക്കണമെന്നും അതിരടയാള കല്ല് സ്ഥാപിക്കുന്നത് തടയണമെന്നുമാണ് ഹര്ജിയിലെ പ്രധാന ആവശ്യം. ഭൂനിയമ പ്രകാരവും സര്വേ ആന്റ് ബോര്ഡ് ആക്ട് പ്രകാരവും സര്ക്കാരിന് സര്വേ നടത്താന് അധികാരമുണ്ടെന്നായിരുന്നു ഹൈക്കോടതി സിംഗിള് ബെഞ്ചിന്റെയും ഡിവിഷന് ബെഞ്ചിന്റെയും വിധി. ഇത് ചോദ്യം ചെയ്താണ് സ്ഥല ഉടമകള് സുപ്രിംകോടതിയെ സമീപിച്ചത്.ജസ്റ്റിസ് എം ആര് ഷാ അധ്യക്ഷനായ ബെഞ്ചാണ് ഹര്ജി പരിഗണിക്കുക.
കെ റെയില്: ഭൂവുടമകള് സമര്പ്പിച്ച ഹര്ജി സുപ്രീം കോടതിയില്
