തിരുവനന്തപുരം: സംസ്ഥാനത്ത് 26/04/21 തിങ്കളാഴ്ച വരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യതയെന്നു കാലാവസ്ഥ നിരീക്ഷണ കേന്ദ്രത്തിന്റെ ജാഗ്രതാ നിര്ദ്ദേശം. 23/04/21 വെള്ളി, 24/04/21 ശനി ദിവസങ്ങളിൽ ഇടുക്കി ജില്ലയില് ജാഗ്രതാ നിര്ദേശം നല്കിയിട്ടുണ്ട്. വയനാട്, പത്തനംതിട്ട ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. 40 കിലോ മീറ്റർ വരെ വേഗത്തിൽ കാറ്റടിക്കാമെന്നും കാലാവസ്ഥാ നിരീക്ഷണ കേന്ദ്രം പറയുന്നു.
ശക്തമായ കാറ്റില് മരങ്ങള് കടപുഴകി വീണും ചില്ലകള് ഒടിഞ്ഞു വീണും അപകടങ്ങള് ഉണ്ടാകാനുള്ള സാധ്യതയുണ്ട്. കാറ്റും മഴയും ഉണ്ടാകുമ്പോൾ ഒരു കാരണവശാലും മരങ്ങളുടെ ചുവട്ടില് നില്ക്കാന് പാടുള്ളതല്ല.
ഉച്ച കഴിഞ്ഞ് 2 മണി മുതൽ രാത്രി 10 മണി വരെ അപകടകരമായ ഇടിമിന്നലിനും സാധ്യതയുണ്ട്.
