ന്യൂഡൽഹി / 2026 / നവംബർ 07 .
കേന്ദ്ര വളം വകുപ്പും അതിനു കീഴിലുള്ള പൊതുമേഖലാ സ്ഥാപനങ്ങളും പ്രത്യേക പ്രചാരണം ആറിന്റെ ഭാഗമായി ശുചിത്വ പ്രവർത്തനങ്ങളിലും കെട്ടിക്കിടന്ന ജോലികൾ തീർപ്പാക്കുന്നതിലും കാര്യമായ പുരോഗതി കൈവരിച്ചു. 2026 ഒക്ടോബർ രണ്ടു മുതൽ 31 വരെയായിരുന്നു പ്രചാരണം. ഭരണപരിഷ്കാര പൊതുപരാതി വകുപ്പിന്റെ മാർഗനിർദേശങ്ങൾ അനുസരിച്ചാണ് പ്രവർത്തനങ്ങൾ നടത്തിയത്. സർക്കാർ ഓഫീസുകളിൽ ശുചിത്വം സ്ഥിരം പ്രവർത്തനമാക്കുക, തീർപ്പാകാത്ത കാര്യങ്ങൾ കുറയ്ക്കുക, പ്രവർത്തനക്ഷമത കൂട്ടുക എന്നിവയായിരുന്നു ലക്ഷ്യങ്ങൾ.
ഫയൽ പരിശോധനയിലും പഴയ രേഖകൾ നീക്കുന്നതിലും പുരോഗതി
ഒക്ടോബർ 31 വരെയുള്ള കണക്കനുസരിച്ച് കടലാസ് ഫയലുകളും ഇലക്ട്രോണിക് ഫയലുകളും പരിശോധിക്കുന്നതിലും പഴയ രേഖകൾ നീക്കുന്നതിലും കാര്യമായ പുരോഗതിയുണ്ടായി. പരിശോധനയ്ക്കായി കണ്ടെത്തിയ 8,100 കടലാസ് ഫയലുകളുടെ സ്ഥാനത്ത് 14,190 ഫയലുകൾ പരിശോധിച്ചു. 637 ഇലക്ട്രോണിക് ഫയലുകൾ പരിശോധിക്കാനായിരുന്നു ലക്ഷ്യമിട്ടത്. എന്നാൽ 7,257 എണ്ണം പരിശോധിക്കുകയും അവയിൽ 6,783 എണ്ണം തീർപ്പാക്കി അവസാനിപ്പിക്കുകയും ചെയ്തു. നീക്കം ചെയ്യാനായി കണ്ടെത്തിയ 5,516 കടലാസ് ഫയലുകളിൽ 2,705 എണ്ണം നീക്കി. പൊതുപരാതികളും അപ്പീലുകളും മറ്റു തീർപ്പാകാത്ത വിഷയങ്ങളും പരിഹരിക്കുന്നതിനും പ്രചാരണം പ്രാധാന്യം നൽകി. പ്രചാരണത്തിന്റെ കണക്കുകളിൽ ഉൾപ്പെട്ട എല്ലാ പൊതുപരാതികളും അപ്പീലുകളും തീർപ്പാക്കി.
പാഴ്‌വസ്തുക്കൾ വിറ്റ് 87.54 ലക്ഷം രൂപയിലേറെ വരുമാനം
വളം വകുപ്പും പൊതുമേഖലാ സ്ഥാപനങ്ങളും ചേർന്ന് ഓഫീസ് പരിസരങ്ങൾക്ക് പുറത്തായി 3,184 ശുചിത്വ പ്രവർത്തനങ്ങൾ നടത്തി. പ്രധാനമന്ത്രി കിസാൻ സമൃദ്ധി കേന്ദ്രങ്ങളിലെ ശുചീകരണവും ഇതിൽ ഉൾപ്പെടുന്നു. ഓഫീസുകളിലെ പാഴ്‌വസ്തുക്കൾ വിറ്റതിലൂടെ 87,54,854 രൂപ വരുമാനം ലഭിച്ചു. ആകെ 1,26,052 ചതുരശ്ര അടി സ്ഥലം ഒഴിവാക്കാനായി. ഇതോടെ ഓഫീസ് പരിസരങ്ങൾ കൂടുതൽ ഫലപ്രദമായി ഉപയോഗിക്കാൻ സൗകര്യമൊരുങ്ങി.
ബോധവത്കരണത്തിനായി നൂറിലേറെ സമൂഹമാധ്യമ പോസ്റ്റുകൾ
ശുചിത്വത്തെക്കുറിച്ചും കാര്യക്ഷമമായ ഓഫീസ് നടത്തിപ്പിനെക്കുറിച്ചും അവബോധം വളർത്താൻ വകുപ്പ് നൂറിലേറെ സമൂഹമാധ്യമ പോസ്റ്റുകൾ പ്രസിദ്ധീകരിച്ചു. എക്സ് എന്ന ട്വിറ്റർ, ഫേസ്ബുക്ക്, ഇൻസ്റ്റഗ്രാം, വാട്സാപ്പ് ചാനൽ, പ്രസ് ഇൻഫർമേഷൻ ബ്യൂറോയുടെ എക്സ് അക്കൗണ്ട് എന്നിവയിലൂടെയാണ് ഇവ പ്രചരിപ്പിച്ചത്. ശുചിത്വ പ്രവർത്തനങ്ങൾ, രേഖകളുടെ പരിപാലനം, ഇലക്ട്രോണിക് മാലിന്യങ്ങളുടെയും പാഴ്‌വസ്തുക്കളുടെയും ശരിയായ നിർമാർജനം, പ്രചാരണവുമായി ബന്ധപ്പെട്ട മറ്റു പ്രവർത്തനങ്ങൾ എന്നിവ പോസ്റ്റുകളിൽ അവതരിപ്പിച്ചു. ശുചിത്വത്തിനും കാര്യക്ഷമമായ ഭരണനിർവഹണത്തിനും വേണ്ടിയുള്ള ബോധവത്കരണത്തിനും ഇവ സഹായിച്ചു.
പ്രചാരണം അവസാനിച്ചെങ്കിലും പ്രവർത്തനങ്ങൾ തുടരും
പ്രത്യേക പ്രചാരണം ആറ് ഒക്ടോബർ 31ന് സമാപിച്ചു. ശുചിത്വം നിലനിർത്താനും തീർപ്പാകാത്ത ജോലികൾ കുറയ്ക്കാനും ജോലിസ്ഥലത്തെ കാര്യക്ഷമത മെച്ചപ്പെടുത്താനും പ്രതിജ്ഞാബദ്ധമാണെന്ന് വളം വകുപ്പും പൊതുമേഖലാ സ്ഥാപനങ്ങളും അറിയിച്ചു. ഉപയോഗശൂന്യമായ രേഖകൾ, ഇലക്ട്രോണിക് മാലിന്യങ്ങൾ, പാഴ്‌വസ്തുക്കൾ എന്നിവ ശരിയായ രീതിയിൽ നീക്കുന്നതും തുടരും. ശുചിത്വം പ്രോത്സാഹിപ്പിക്കാനും പ്രവർത്തനക്ഷമത കൂട്ടാനും കൂടുതൽ വൃത്തിയും ക്രമവുമുള്ള ജോലിസ്ഥലങ്ങൾ ഒരുക്കാനുമുള്ള കേന്ദ്ര സർക്കാരിന്റെ പ്രതിബദ്ധതയാണ് പ്രചാരണം പ്രതിഫലിപ്പിക്കുന്നത്.
.
Disclaimer: The information published on Samadarsi.com is provided for general news, informational, educational, and public awareness purposes only. While every reasonable effort is made to ensure the accuracy, reliability, and timeliness of the content, Samadarsi Communication LLP does not guarantee that all published information is free from errors, omissions, or inaccuracies. The views and opinions expressed in opinion articles, guest columns, interviews, and reader comments are solely those of the respective authors and do not necessarily reflect the views of Samadarsi Communication LLP. Readers are encouraged to independently verify any information before making financial, legal, medical, political, or personal decisions based on the content published on this website. Samadarsi.com reserves the right to update, modify, correct, or remove any content at any time without prior notice. Any links to external websites are provided solely for the convenience of users, and we do not endorse or accept responsibility for the content, security, accuracy, or privacy practices of such third-party websites. All trademarks, logos, images, and other copyrighted materials appearing on this website remain the property of their respective owners.
