എവിയാൻ, 2026 ജൂൺ 17

ഫ്രാൻസിലെ എവിയാനിൽ നടന്ന ജി ഏഴ് ഉച്ചകോടിക്കിടെയാണ് ഇന്ത്യയുടെ പ്രധാനമന്ത്രി നരേന്ദ്ര മോദിയും ബ്രിട്ടീഷ് പ്രധാനമന്ത്രി കെയർ സ്റ്റാർമറും കൂടിക്കാഴ്ച നടത്തിയത്. ഇരുരാജ്യങ്ങളും തമ്മിലുള്ള ബന്ധത്തിന്റെ പുരോഗതിയും വിവിധ മേഖലകളിലെ സഹകരണവും യോഗത്തിൽ വിലയിരുത്തി.

കഴിഞ്ഞ വർഷം നടന്ന പരസ്പര സന്ദർശനങ്ങൾക്കുശേഷം ഇന്ത്യ-ബ്രിട്ടൻ ബന്ധത്തിൽ ഉണ്ടായ മുന്നേറ്റമാണ് ഇരുനേതാക്കളും ചർച്ച ചെയ്തത്. വ്യാപാരം, സാമ്പത്തിക വളർച്ച, പ്രതിരോധം, സുരക്ഷ, കാലാവസ്ഥാ പ്രവർത്തനങ്ങൾ, ഹരിത ഊർജം, സാങ്കേതികവിദ്യ, നവീകരണം, വിദ്യാഭ്യാസം, ജനങ്ങൾ തമ്മിലുള്ള ബന്ധം തുടങ്ങിയ മേഖലകളിലെ പുരോഗതിയെ അവർ സ്വാഗതം ചെയ്തു. സമഗ്ര സാമ്പത്തിക-വ്യാപാര കരാർ ഉടൻ പ്രാബല്യത്തിൽ വരുമെന്ന പ്രതീക്ഷയും നേതാക്കൾ പങ്കുവച്ചു.

വിദ്യാഭ്യാസ രംഗത്തെ സഹകരണത്തിൽ ഇരുനേതാക്കളും സംതൃപ്തി രേഖപ്പെടുത്തി. ബെംഗളൂരുവിൽ ലിവർപൂൾ സർവകലാശാലയും മുംബൈയിൽ യോർക്ക് സർവകലാശാലയും ബ്രിസ്റ്റോൾ സർവകലാശാലയും ക്യാംപസുകൾ സ്ഥാപിക്കുന്നതിലെ പുരോഗതി അവർ ചൂണ്ടിക്കാട്ടി. ഡൽഹിയിൽ നടന്ന കൃത്രിമ ബുദ്ധി ആഘാത ഉച്ചകോടിയിൽ ബ്രിട്ടന്റെ ശക്തമായ പങ്കാളിത്തത്തിന് മോദി നന്ദി അറിയിച്ചു. ഇന്ത്യ-ബ്രിട്ടൻ നിർണായക ധാതു ആഗോള വിതരണശൃംഖല നിരീക്ഷണകേന്ദ്രത്തിന്റെ ആരംഭം ഉൾപ്പെടെയുള്ള മുന്നേറ്റങ്ങളും സ്വാഗതം ചെയ്തു. പശ്ചിമേഷ്യയും യുക്രൈനും ഉൾപ്പെടെയുള്ള പ്രാദേശിക-ആഗോള വിഷയങ്ങളിലും നേതാക്കൾ അഭിപ്രായങ്ങൾ പങ്കുവച്ചു. ഇന്ത്യ-ബ്രിട്ടൻ സമഗ്ര തന്ത്രപ്രധാന പങ്കാളിത്തം കൂടുതൽ ശക്തിപ്പെടുത്താനുള്ള പ്രതിബദ്ധതയും അവർ ആവർത്തിച്ചു.

.