കോട്ടയം: താന് ഉള്പ്പെടെയുള്ള ഭരണകര്ത്താക്കള് വിമര്ശനത്തിന് അതീതരല്ലെന്നും നാടിന്റെ നന്മയും പുരോഗതിയും ലക്ഷ്യമിട്ടുള്ള വിമര്ശനങ്ങള് ഉണ്ടാകണമെന്നും മുഖ്യമന്ത്രി വി.ഡി. സതീശന്. കോട്ടയം മാമ്മന് മാപ്പിള ഹാളില് ദീപികയുടെ ശതോത്തര റൂബി ജൂബിലി ആഘോഷത്തില് മുഖ്യപ്രഭാഷണം നടത്തുകയായിരുന്നു മുഖ്യമന്ത്രി.
മാധ്യമ സ്വാതന്ത്ര്യം ഉറപ്പാക്കപ്പെടേണ്ടതുണ്ട്
.
രാജ്യത്ത് മാധ്യമ സ്വാതന്ത്ര്യം കുറഞ്ഞുവരുന്നതായാണ് സ്ഥിതിവിവരക്കണക്കുകള് വ്യക്തമാക്കുന്നത്. എല്ലാവര്ക്കും അഭിപ്രായം പ്രകടിപ്പിക്കാന് സ്വാതന്ത്ര്യം ലഭിക്കുന്നതാണ് ജനാധിപത്യത്തിന്റെ സൗന്ദര്യം. അതുകൊണ്ടുതന്നെ മാധ്യമ സ്വാതന്ത്ര്യം ഉറപ്പാക്കപ്പെടേണ്ടതുണ്ട്. വിമര്ശനങ്ങള് ഉണ്ടാകുമ്പോള് തെറ്റുതിരുത്താന് തയാറാകണം. അത്തരമൊരു തിരുത്തല് ശക്തിയായി മുന്നോട്ടുപോകാന് കേരളത്തിലെ മാധ്യമങ്ങള്ക്ക് കഴിയട്ടെ. അതില് നിര്ണായ പങ്കുവഹിക്കാന് ദീപികയ്ക്കും സാധിക്കട്ടെയെന്നും മുഖ്യമന്ത്രി ആശംസിച്ചു.
