.കൊച്ചി| സര്ക്കാരിന് തിരിച്ചടി നൽകിക്കൊണ്ട് നവകേരള സിറ്റിസണ്സ് റെസ്പോണ്സ് പ്രോഗ്രാം ഹൈക്കോടതി റദ്ദ് ചെയ്തു. രാഷ്ട്രീയ കാമ്പയിനുകളുടെ മറവില് സര്വ്വേ പാടില്ലെന്ന് ഹൈക്കോടതി ഡിവിഷന് ബെഞ്ച് വ്യക്തമാക്കി. ചീഫ് ജസ്റ്റിസ് അധ്യക്ഷനായ ബെഞ്ചാണ് ഉത്തരവിട്ടത്. സാമ്പത്തിക നിയമത്തിന്റെ വ്യതിചലനമാണിതെന്നാണ് ബെഞ്ചിന്റെ നിരീക്ഷണം.
സര്ക്കാര് പണം കൊണ്ട് തെരഞ്ഞെടുപ്പ് പ്രചാരണം നടത്താനാണ് സര്ക്കാര് ശ്രമിച്ചതെന്ന് വി ഡി സതീശന്
ഹൈക്കോടതി നടപടിക്ക് പിന്നാലെ സര്ക്കാറിനെ രൂക്ഷമായി വിമര്ശിച്ച് പ്രതിപക്ഷ നേതാവ് വി ഡി സതീശന് രംഗത്തെത്തി. സിപിഐഎം പ്രവര്ത്തകരെ ഉപയോഗിച്ച് സര്ക്കാര് പണം കൊണ്ട് തെരഞ്ഞെടുപ്പ് പ്രചാരണം നടത്താനാണ് സര്ക്കാര് ശ്രമിച്ചതെന്ന് വി ഡി സതീശന് വ്യക്തമാക്കി. വനംവകുപ്പ് ഉദ്യോഗസ്ഥരെ ഉപയോഗിച്ച് ആദിവാസി ഉന്നതികളില് എത്തി ലഘുലേഖ വിതരണം ചെയ്യാന് പറഞ്ഞിരുന്നു. ഇത് നിയമവിരുദ്ധമാണെന്നും വി ഡി സതീശന് പറഞ്ഞു.
പാര്ട്ടി കേഡര്മാരെ ഉപയോഗിച്ചുള്ള സര്വ്വേ തടയണമെന്നുമായിരുന്നു ഹർജിയിലെ ആവശ്യം. .
സര്ക്കാരിന്റെ വികസന-ക്ഷേമ പ്രവര്ത്തനങ്ങളെക്കുറിച്ച് ജനങ്ങള്ക്ക് പറയാനുള്ളതു കേള്ക്കാനുള്ള പദ്ധതി എന്ന നിലയ്ക്കായിരുന്നു നവകേരള സര്വ്വേ മുഖ്യമന്ത്രി പിണറായി വിജയന് പ്രഖ്യാപിച്ചത്. തെരഞ്ഞെടുപ്പ് മുന്നില് കണ്ട് എല്ഡിഎഫ് പ്രകടനപത്രിക തയ്യാറാക്കാനാവശ്യമായ വിവരങ്ങള് ശേഖരിക്കാന് സര്ക്കാര് പണം ചെലവഴിക്കുന്നുവെന്ന് ആരോപിച്ചായിരുന്നു ഹർജി. പാര്ട്ടി കേഡര്മാരെ ഉപയോഗിച്ചുള്ള സര്വ്വേയാണ് നടക്കുന്നതെന്നും ഇത് തടയണമെന്നുമായിരുന്നു ഹർജിയിലെ ആവശ്യം. .
