ആലപ്പുഴ: മന്ത്രി സജി ചെറിയാനെതിരെ ആരോപണം ഉന്നയിച്ച യൂത്ത് കോണ്ഗ്രസ് വര്ക്കിംഗ് പ്രസിഡന്റ് ബിനു ചുള്ളിയിലിനെതിരെ പോലീസ് കേസെടുത്തു. ലഹരിക്കടത്ത് കേസിലെ ആരോപണ വിധേയന്റെ കാര് സജി ചെറിയാന് തെരഞ്ഞെടുപ്പ് കാലത്ത് ഉപയോഗിച്ചുവെന്ന് ബിനു പറഞ്ഞിരുന്നു. ഇതിനെതിരെയാണ് സജി ചെറിയാൻ ചെങ്ങന്നൂര് പോലീസിൽ പരാതി നൽകിയത്.
യൂത്ത് കോണ്ഗ്രസിന്റെ പരിപാടിക്കിടെയാണ് ബിനുവിന്റെ ആരോപണം
കരുനാഗപ്പള്ളി ലഹരിക്കടത്ത് കേസില് സിപിഎം പുറത്താക്കിയ ഷാനവാസിനെ മന്ത്രി സംരക്ഷിക്കുകയാണെന്നും മന്ത്രിക്കും ലഹരിക്കടത്ത് കേസില് പങ്കുണ്ടെന്നും ബിനു പറഞ്ഞിരുന്നു.കഴിഞ്ഞ ദിവസം ആലപ്പുഴയില് നടത്തിയ യൂത്ത് കോണ്ഗ്രസിന്റെ പരിപാടിക്കിടെയാണ് ബിനു സജി ചെറിയാനെതിരെ ഗുരുതരമായ ആരോപണം ഉന്നയിച്ചത്.
