കൊച്ചി | നടിയെ ആക്രമിച്ച കേസില് അതിജീവിതയുടെ അഭിഭാഷക ടി ബി മിനി ഹൈക്കോടതിയില് കോടതിയലക്ഷ്യ ഹർജി ഫയല് ചെയ്തു. വിചാരണ കോടതി ജഡ്ജി ഹണി എം വര്ഗീസിനെതിരെയാണ് ഹർജി. ജഡ്ജി അപമാനിച്ചുവെന്ന് കാണിച്ചാണ് ഇവര് കോടതിയെ സമീപിച്ചിരിക്കുന്നത്.
അതിജീവിതയുടെ അഭിഭാഷകരെ പരസ്യമായി അപമാനിക്കുന്നത് പതിവ് രീതിയെന്ന്
നടിയെ ആക്രമിച്ച കേസില് 10ൽ താഴെ ദിവസങ്ങളില് മാത്രമാണ് ടി ബി മിനി കോടതിയില് ഹാജരായുള്ളൂവെന്നും ഉള്ളപ്പോഴാകട്ടെ ഉറങ്ങുകയായിരുന്നുമെന്നുമാണ് ജഡ്ജി കഴിഞ്ഞ ദിവസം കേസ് പരിഗണിക്കുന്നതിനിടയില് പറഞ്ഞത്. ഇത് മാധ്യമങ്ങള് റിപ്പോര്ട്ട് ചെയ്തതോടെയാണ് ജഡ്ജിക്കെതിരെ കോടതിയലക്ഷ്യ ഹര്ജി നല്കിയത്.അതിജീവിതയുടെ അഭിഭാഷകരെ പരസ്യമായി അപമാനിക്കുന്നത് പതിവ് രീതിയെന്നും ഹര്ജിയില് ആരോപിക്കുന്നു .
വിശ്രമസ്ഥലം എന്ന രീതിയിലാണ് അഭിഭാഷക കോടതിയെ കാണുന്നത്
കോടതിയില് ഉണ്ടാകുമ്പോള് ഉറങ്ങുന്നതാണ് പതിവ്. വിശ്രമസ്ഥലം എന്ന രീതിയിലാണ് അഭിഭാഷക കോടതിയെ കാണുന്നത്. എന്നിട്ടാണ് പുറത്തുപോയി കോടതിക്കെതിരെ പറയുന്നതെന്നും കോടതി വിമര്ശിച്ചിരുന്നു. നടിയെ ആക്രമിച്ച കേസുമായി ബന്ധപ്പെട്ട കോടതിയലക്ഷ്യ ഹര്ജികള് പരിഗണിക്കുന്നതിനിടെയായിരുന്നു വിചാരണ കോടതിയുടെ വിമര്ശനം. അന്ന് കോടതിയില് ടിബി മിനി ഹാജരായിരുന്നില്ല. ടി ബി മിനി എത്തിയിട്ടില്ലേയെന്ന് ചോദിച്ചുകൊണ്ടാണ് കോടതി വിമര്ശനം ഉന്നയിച്ചത്..
