കോട്ടയം: യുവാവ് മദ്യലഹരിയിൽ വീട്ടിലേക്കു കാര് ഇടിച്ചുകയറ്റിയെന്നു പരാതി. കോട്ടയം പനയമ്പാലയില് . നവംബർ 20 വ്യാഴാഴ്ച രാത്രി 11.30ഓടെയാണ് സംഭവം. പത്തനംതിട്ട മല്ലപ്പള്ളി സ്വദേശിയായ പ്രിനോ ഫിലിപ്പിനെതിരേ പോലീസ് കേസെടുത്തു. മദ്യലഹരിയിൽ റോഡരികിലെ വീടിനുള്ളിലേക്ക് കാറോടിച്ച് കയറ്റിയെന്നാണ് കേസ്.
പ്രതിയുടെ ലൈസന്സ് റദ്ദാക്കാന് ആര്ടിഒയ്ക്ക് റിപ്പോര്ട്ട് നല്കും
വയോധിക ഒറ്റയ്ക്കു താമസിക്കുന്ന വീടിലേക്കാണ് അമിത വേഗത്തിൽ കാറിടിച്ചു കയറ്റിയത്. ശബ്ദം കേട്ടയുടന് നാട്ടുകാരും സമീപവാസികളും ഓടിയെത്തി. പിന്നാലെ പൊലീസെത്തി പ്രിനോ ഫിലിപ്പിനെ കസ്റ്റഡിയിലെടുക്കുകയായിരുന്നു. ഇയാളുടെ അറസ്റ്റ് രേഖപ്പെടുത്തിയ ശേഷം ജാമ്യത്തില് വിട്ടയച്ചു. സംഭവത്തില് പ്രതിയുടെ ലൈസന്സ് റദ്ദാക്കാന് ആര്ടിഒയ്ക്ക് റിപ്പോര്ട്ട് നല്കുമെന്നു പോലീസ് അറിയിച്ചു
