.
കോഴിക്കോട്: താമരശ്ശേരി അമ്പായത്തോട്ടിലെ ഫ്രഷ് കട്ട് അറവ് മാലിന്യ സംസ്കരണ പ്ലാന്റിന്റെ പരിസര പ്രദേശങ്ങളില് ഏഴു ദിവസത്തേക്ക് നിരോധനാജ്ഞ പ്രഖ്യാപിച്ച് ജില്ലാ കളക്ടര് സ്നേഹില് കുമാര് സിങ് . പ്ലാന്റ് തുറക്കുന്നതുമായി ബന്ധപ്പെട്ട് പ്രദേശത്ത് അനിഷ്ട സംഭവങ്ങള് ഒഴിവാക്കുന്നതിനും ക്രമസമാധാനം ഉറപ്പുവരുത്തുന്നതിനുമായിട്ടാണ് നിരോധനാജ്ഞ പ്രഖ്യാപിച്ചത്.
.
പ്രതിഷേധമോ പൊതുപരിപാടികളോ പ്രകടനങ്ങളോ നടത്തുന്നതിന് വിലക്കേര്പ്പടുത്തി.
പ്ലാന്റിന്റെ 300 മീറ്റര് ചുറ്റളവ്, പ്ലാന്റിനും അമ്പായത്തോടിനും ഇടയിലെ റോഡിന്റെ ഇരുവശത്തുമുള്ള 50 മീറ്റര് പ്രദേശം, അമ്പായത്തോട് ജങ്ഷന്റെ 100 മീറ്റര് ചുറ്റളവ് എന്നിവിടങ്ങളിലാണ് ഭാരതീയ നാഗരിക് സുരക്ഷാ സംഹിത (ബിഎന്എസ്എസ്) 163-ാം വകുപ്പ് പ്രകാരം നിരോധനാജ്ഞ പുറപ്പെടുവിച്ചത്. ഇതുപ്രകാരം ഈ പ്രദേശങ്ങളില് നാലോ അതില് കൂടുതലോ ആളുകള് ഒരുമിച്ചു കൂടുന്നതിനും ഏതെങ്കിലും രീതിയുള്ള പ്രതിഷേധമോ പൊതുപരിപാടികളോ പ്രകടനങ്ങളോ നടത്തുന്നതിനും വിലക്കേര്പ്പടുത്തിയിട്ടുണ്ട്.
കഴിഞ്ഞയാഴ്ച സംഘര്ഷത്തെ തുടര്ന്ന് പ്രവര്ത്തനം നിര്ത്തിയ പ്ലാന്റ് ഇന്നുമുതല് തുറന്ന് പ്രവര്ത്തിക്കുമെന്ന് പറഞ്ഞിരുന്നെങ്കിലും ജനങ്ങളെ പ്രതിഷേധം വീണ്ടുമുണ്ടായതിനെത്തുടര്ന്ന് പ്രവര്ത്തനം തുടരാന് സാധിച്ചിരുന്നില്ല
