ന്യൂഡൽഹി | ഛത്തീസ്ഗഢിലെ കാങ്കർ ജില്ലയിൽ സുരക്ഷാ സേനയുമായി നടന്ന ഏറ്റുമുട്ടലിൽ മൂന്ന് നക്സലുകൾ കൊല്ലപ്പെട്ടു. കാങ്കർ, ഗരിയബന്ദ് ജില്ലകളുടെ അതിർത്തിക്ക് സമീപമുള്ള രവാസ് വനമേഖലയിൽ വെച്ചാണ് വെടിവെപ്പുണ്ടായതെന്ന് ഒരു മുതിർന്ന പോലീസ് ഉദ്യോഗസ്ഥൻ പിടിഐ വാർത്താ ഏജൻസിയെ അറിയിച്ചു.
പത്ത് സി പി ഐ (മാവോയിസ്റ്റ്) പ്രവർത്തകർ കീഴടങ്ങിയതിന് പിന്നാലെയാണ് ഈ ഏറ്റുമുട്ടൽ.
നക്സൽ വിരുദ്ധ ഓപ്പറേഷൻ്റെ ഭാഗമായി സുരക്ഷാ ഉദ്യോഗസ്ഥരുടെ സംയുക്ത സംഘം സെപ്തംബർ 28 ഞായറാഴ്ച രാവിലെ ഈ പ്രദേശത്ത് തിരച്ചിൽ ആരംഭിച്ചിരുന്നു. കാങ്കർ, ഗരിയബന്ദ് ജില്ലകളിൽ നിന്നുള്ള ഡിസ്ട്രിക്റ്റ് റിസർവ് ഗാർഡിലെ (DRG) ഉദ്യോഗസ്ഥർ ഓപ്പറേഷനിൽ പങ്കെടുത്തു. ഝാർഖണ്ഡിൽ നക്സൽ വിരുദ്ധ പ്രവർത്തനങ്ങൾക്കിടെ പത്ത് സി പി ഐ (മാവോയിസ്റ്റ്) പ്രവർത്തകർ കീഴടങ്ങിയതിന് പിന്നാലെയാണ് ഈ ഏറ്റുമുട്ടൽ.
