ജയ്പൂര് | രാജസ്ഥാനിലെ ദൗസയില് നിര്ത്തിയിട്ടിരുന്ന ട്രക്കില് പിക്കപ്പ് വാന് ഇടിച്ചുകയറി ഉണ്ടായ വാഹനാപകടത്തില് 11 പേര് മരിച്ചു. മരിച്ചവരില് ഏഴ് കുട്ടികളും മൂന്ന് സ്ത്രീകളും ഉള്പ്പെടുന്നു. ദൗസയിലെ ബാപി ഗ്രാമത്തില് ഓഗസ്റ്റ് 13 ബുധനാഴ്ച പുലര്ച്ചെ 4 ഓടെയായിരുന്നു അപകടം.
ക്ഷേത്രദര്ശനം കഴിഞ്ഞ് മടങ്ങുകയായിരുന്ന ഭക്തരാണ് അപകടത്തില്പ്പെട്ടത്
കതു ശ്യാം ക്ഷേത്രദര്ശനം കഴിഞ്ഞ് മടങ്ങുകയായിരുന്ന ഭക്തരാണ് അപകടത്തില്പ്പെട്ടത്. വാനില് 22 പേരുണ്ടായിരുന്നതായാണ് റിപ്പോര്ട്ട്.അപകടത്തില് ഗുരുതരമായി പരുക്കേറ്റ ഒമ്പതുപേരെ വിദഗ്ധ ചികിത്സയ്ക്കായി ജയ്പൂരിലേക്ക് മാറ്റി.മറ്റുള്ളവരെ ദൗസ ജില്ലാ ആശുപത്രിയില് പ്രവേശിപ്പിച്ചതായി ജില്ലാ കലക്ടര് ദേവേന്ദ്രകുമാര് അറിയിച്ചു.
