ന്യൂഡല്ഹി| പഹല്ഗാം ഭീകരാക്രമണം, ഓപ്പറേഷന് സിന്ദൂര് എന്നീ വിഷയങ്ങളില് പാര്ലമെന്റില് ഇജൂലൈ 28 ന് ചര്ച്ച നടക്കും. ലോക്സഭയില് 28 നും രാജ്യസഭയില് 29 നു മാണ് ചര്ച്ച നിശ്ചയിച്ചിരിക്കുന്നത്. ഇരുസഭയിലും 16 മണിക്കൂര് വീതമാണ് ചര്ച്ച. ഭരണപക്ഷത്തുനിന്ന് ആഭ്യന്തരമന്ത്രി അമിത് ഷാ, പ്രതിരോധമന്ത്രി രാജ്നാഥ് സിങ്, വിദേശകാര്യമന്ത്രി എസ് ജയ്ശങ്കര് എന്നിവര് ചര്ച്ചയില് സംസാരിക്കും.
ലോക്സഭയില് പ്രതിപക്ഷ നേതാവ് രാഹുല് ഗാന്ധി, രാജ്യസഭയില് പ്രതിപക്ഷ നേതാവ് മല്ലികാര്ജുന് ഖാര്ഗെ എന്നിവര് സംസാരിക്കും
പ്രധാനമന്ത്രി നരേന്ദ്രമോദി ചര്ച്ചയില് ഇടപെട്ട് സംസാരിക്കുമെന്നാണ് സൂചന. പ്രതിപക്ഷത്തു നിന്ന് ലോക്സഭയില് പ്രതിപക്ഷ നേതാവ് രാഹുല് ഗാന്ധി, രാജ്യസഭയില് പ്രതിപക്ഷ നേതാവ് മല്ലികാര്ജുന് ഖാര്ഗെ എന്നിവര് സംസാരിക്കും. സമാജ്വാദി പാര്ട്ടി നേതാവ് അഖിലേഷ് യാദവ് ഉള്പ്പെടെ പ്രതിപക്ഷ നിരയിലെ മറ്റ് പ്രമുഖരും ചര്ച്ചയില് പങ്കെടുക്കും. ഓപ്പറേഷന് സിന്ദൂര് വിശദീകരിക്കാന് വിദേശത്തുപോയ പ്രതിനിധി സംഘങ്ങളിലൊന്നിനെ നയിച്ച ശശി തരൂരിനെ, ലോക്സഭയില് സംസാരിക്കാന് കോണ്ഗ്രസ് നിര്ദേശിക്കുമോയെന്ന് ഉറ്റുനോക്കുകയാണ് രാജ്യം.
