കോഴിക്കോട് | മെഡിക്കല് കോളജില് തീപിടിത്തം. ഷോര്ട്ട് സര്ക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം. ആശങ്കപ്പെടേണ്ട സാഹചര്യമില്ലെന്ന് ആശുപത്രി സുപ്രണ്ട് അറിയിച്ചു. ഫയര് ഫോഴ്സെത്തി തീ നിയന്ത്രണവിധേയമാക്കി. അപകടത്തില് ആളപായമില്ല. . സി ടി സ്കാന് ഭാഗത്തു നിന്ന് ഒരു പൊട്ടിത്തെറി ശബ്ദമുണ്ടായതായും ഉടനെ പുക പടര്ന്നതായും ദൃക്സാക്ഷികള് പറഞ്ഞു. പുക പടര്ന്നതോടെ രോഗികളെ ഒഴിപ്പിക്കുകയാണ്. പുക മൂലം രോഗികള്ക്കും ആരോഗ്യപ്രവര്ത്തകര്ക്കും ശ്വാസതടസമുണ്ടാകുന്നുണ്ട്. ആരോഗ്യ മന്ത്രി അന്വേഷണത്തിന് ഉത്തരവിട്ടു..
ഷോര്ട്ട് സര്ക്യൂട്ടാണ് അപകടത്തിന് കാരണമെന്ന് ഫയര് ഫോഴ്സ്
എസിയില് നിന്നുള്ള ഷോര്ട്ട് സര്ക്യൂട്ടാണ് അപകടത്തിന് കാരണമായതെന്നാണ് ഫയര് ഫോഴ്സ് ഉദ്യോഗസ്ഥരുടെ കണ്ടെത്തല്. മൂന്ന് നിലകളില് നിന്ന് രോഗികളെ പൂര്ണമായും ഒഴിപ്പിച്ചു. അത്യാഹിത വിഭാഗത്തില് ഗുരുതരാവസ്ഥയില് ചികിത്സ തേടിയിരുന്ന രോഗികളെ മറ്റ് ആശുപത്രി യിലേക്കും മറ്റുള്ളവരെ താഴെയുള്ള നിലകളിലേക്കുമാണ് മാറ്റിയത്.
പോലീസും ഫയര് ഫോഴ്സും സന്നദ്ധ സംഘടനകളും ആശുപത്രി ജീവനക്കാരും നാട്ടുകാരും ചേര്ന്ന് രോഗികളെ ഒഴിപ്പിക്കുന്നു
പ്രദേശത്തുനിന്നുള്ള നിരവധി ആംബുലന്സുകളും രോഗികളെ മാറ്റാനായി ഉപയോഗിച്ചു.പോലീസും ഫയര് ഫോഴ്സും സന്നദ്ധ സംഘടനകളും ആശുപത്രി ജീവനക്കാരും നാട്ടുകാരും ചേര്ന്നാണ് രോഗികളെ ഒഴിപ്പിക്കുന്നത്. തീ നിയന്ത്രണവിധേയമാണെങ്കിലും വലിയ രീതിയില് പുക നിലനില്ക്കുന്നത് രോഗികളേയും കൂട്ടിരിപ്പുകാരേയും ബുദ്ധിമുട്ടിക്കുകയാണ്..
