അന്തിക്കാട്: ഒഡിഷയിലെ തീവണ്ടിയപകടത്തില് അന്തിക്കാട് സ്വദേശികളായ നാലുപേര്ക്ക് പരിക്കേറ്റു. അന്തിക്കാട്, കണ്ടശ്ശാംകടവ് സ്വദേശികളായ രഘു, കിരണ്, വൈശാഖ്, ലിജീഷ് എന്നിവര്ക്കാണ് നിസ്സാര പരിക്കേറ്റത്. ഒരാളുടെ പല്ലുകള് തകര്ന്നു, മറ്റൊരാള്ക്ക് കൈയ്ക്കും പരിക്കുണ്ട്. അപകടം നടന്ന സ്ഥലത്തിന് സമീപത്തുള്ള വീട്ടുകാരുടെ സഹായത്തോടെ ഇവര് നാട്ടിലെ കരാറുകാരനുമായി ബന്ധപ്പെട്ടു. ആരുടെയും പരിക്ക് ഗുരുതരമല്ല. കൊല്ക്കത്തയില് ഒരു ക്ഷേത്രനിര്മ്മാണവുമായി ബന്ധപ്പെട്ട് ടൈല്സ് ജോലികള്ക്ക് പോയി മടങ്ങുമ്പോഴാണ് ഇവര് അപകടത്തില്പ്പെട്ടത്. ഇവരോടൊപ്പമുണ്ടായിരുന്ന നാലുപേര് കുറച്ചുദിവസങ്ങള്ക്ക് മുമ്പ് നാട്ടിലെത്തിയിരുന്നു.
റിപ്പോര്ട്ട്
ന്യൂസ് ഡെസ്ക്
