ന്യൂഡല്ഹി: പുതിയ പാര്ലമെന്റ് മന്ദിരം ഉദ്ഘാടനത്തിന്റെ രണ്ടാംഘട്ട ചടങ്ങുകള് തുടങ്ങി. പുതിയ പാര്ലമെന്റ് മന്ദിരത്തില് ഉദ്ഘാടന സമ്മേളനം പുരോഗമിക്കുന്നു.സമ്മേളനത്തെ പ്രധാനമന്ത്രി നരേന്ദ്ര മോദി അഭിസംബനോധ ചെയ്തു. പുതിയ പാര്ലമെന്റ് മന്ദിരം ഇന്ത്യയുടെ വികസനയാത്രയിലെ അനശ്വര മുഹൂര്ത്തമെന്ന് പ്രധാനമന്ത്രി പറഞ്ഞു. ഇത് ഒരു മന്ദിരം മാത്രമല്ല, 140 കോടി ഇന്ത്യക്കാരുടെ സ്വപ്നവും പ്രതീക്ഷയുമാണ്. സ്വാശ്രയ ഇന്ത്യയുടെ സൂര്യോദയത്തിന് ഈ മന്ദിരം സാക്ഷിയാകുമെന്നും പ്രധാനമന്ത്രി കൂട്ടിച്ചേര്ത്തു.സ്വാതന്ത്ര സമര സേനാനികളുടെ സ്വപ്നസാക്ഷാത്കാരത്തിന്റെ അടയാളമാണ് പുതിയ പാര്ലമെന്റ് മന്ദിരമെന്നും അദ്ദേഹം പ്രസംഗിച്ചു.
രാഷ്ട്രപതി ദ്രൗപദി മുര്മുവിന്റെയും ഉപരാഷ്ട്രപതി ജഗ്ദീപ് ധന്ഖറിന്റെയും സന്ദേശം രാജ്യസഭാ ഡെപ്യൂട്ടി ചെയര്മാന് ഹരിവംശ് വായിച്ചുകേള്പ്പിച്ചു
റിപ്പോര്ട്ട്
ന്യൂസ് ഡെസ്ക്
