കട്ടപ്പന: കേരള സർക്കാർ ആയുഷ് ഹോമിയോപ്പതി വകുപ്പിന്റെ കരുതലോടെ മുന്നോട്ട് എന്ന പദ്ധതിയുടെ ഭാഗമായി സ്കൂൾ വിദ്യാർത്ഥികൾക്കുള്ള ഇമ്മ്യുൺ ബൂസ്റ്റർ മരുന്ന് വിതരണത്തിന്റെ ഉദ്ഘാടനം നടന്നു. ഇടുക്കി ജില്ലയിലെ 2 ഹോമിയോ ആശുപത്രികളിലും 38 ഡിസ്പെൻസറികളിലും ,24 എൻഎച്ച് എം ഡിസ്പെൻസറികളിലും 2 സ്പഷ്യൽ ഡിസ്പെൻസറികളിലും മരുന്ന് വിതരണം ചെയ്തു.
കട്ടപ്പന നഗരസഭ ഗവ ഹോമിയോ ഡിസ്പെൻസറിയിൽ നടന്ന മരുന്ന് വിതരണത്തിന്റെ ഉദ്ഘാടനം കട്ടപ്പന നഗരസഭ ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ ഏലിയാമ്മ കുര്യാക്കോസ് നിർവഹിച്ചു. യോഗത്തിൽ നഗരസഭ കൗസിലർ രജിത രമേഷ് അധ്യക്ഷയായിരുന്നു .ചിഫ് മെഡിക്കൽ ഓഫിസർ. ഡോ ഗ്രോസി .പി, പ്രോഗ്രാമിനെ കുറിച്ച് വിശദികരിച്ചു.2021 ഒക്ടോബർ 25,26,27 തീയതികളിലായി കട്ടപ്പന നഗരസഭയിലെ എല്ലാ വിദ്യാർത്ഥികൾക്കും മരുന്ന് വിതരണം ചെയ്യുമെന്ന് ചീഫ് മെഡിക്കൽ ഓഫീസർ അറിയിച്ചു. യോഗത്തിൽ അസ്ന പി.ഐ ,മുജിബ് റഹ്മാൻ , അശോകൻ വി എന്നിവർ സംസാരിച്ചു.
