കോഴിക്കോട്: ഓണ വിപണിയില് കണ്സ്യൂമര് ഫെഡിന് ഇക്കുറി റെക്കോര്ഡ് കച്ചവടം. 150 കോടി രൂപയുടെ വില്പ്പനയാണ് ഈ ഓണക്കാലത്തെ കണ്സ്യൂമര് ഫെഡ് നടത്തിയത്. ഓണ വിപണികള്, ത്രിവേണി സൂപ്പര് മാര്ക്കറ്റുകള് എന്നിവ വഴി ഉത്രാടം വരെയുള്ള പത്തു ദിവസം 90 കോടിയുടെ വില്പ്പനയും മദ്യ ഷോപ്പുകള് വഴി 60 കോടിയുടെ വിദേശ മദ്യവില്പ്പനയുമാണ് നടത്തിത്.
Read Also: ഓണക്കാലത്ത് 60 കോടിയുടെ വിദേശ മദ്യവിൽപ്പന
വിദേശ മദ്യ വില്പ്പനയില് വന് വര്ധനവാണ് ഇക്കുറിയുണ്ടായിരിക്കുന്നത്. 36 കോടിയുടെ വില്പ്പനയായിരുന്നു കഴിഞ്ഞ വര്ഷം ഉണ്ടായിരുന്നത്. സംസ്ഥാന സഹകരണ വകുപ്പ് മുഖേന കണ്സ്യൂമര് ഫെഡിന്റെ നേതൃത്വത്തില് 2000 ഓണ വിപണികളാണ് കേരളത്തിലെമ്പാടും പ്രവര്ത്തിച്ചത്. കൊവിഡ് രണ്ടാം തരംഗത്തിന്റെ ആഘാതത്തില് നിര്ജ്ജീവമായിരുന്ന വിപണിയില് ക്രിയാത്മകമായ ചലനമുണ്ടാക്കാന് കണ്സ്യൂമര് ഫെഡിന് കഴിഞ്ഞു.
