ദൃശ്യം 2ന്റെ വൻ വിജയത്തിനു ശേഷം ജീത്തു ജോസഫും മോഹന്ലാലും വീണ്ടും ഒരുമിക്കുന്നുവെന്ന വാർത്തകൾക്ക് പിന്നാലെ ചിത്രത്തിന്റെ ടൈറ്റിൽ പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ.
‘ട്വെൽത് മാൻ’ എന്നാണ് ചിത്രത്തിന് പേര് നൽകിയിരിക്കുന്നത്. മിസ്റ്ററി ത്രില്ലര് ആയി ഒരുങ്ങുന്ന ചിത്രം നിര്മ്മാണം ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് നിർവ്വഹിക്കുന്നത്.
സമീപകാല ഇന്ത്യന് ഒടിടി റിലീസുകളിലെ ട്രെന്ഡ് സെറ്റര് ആയിരുന്നു ജീത്തു ജോസഫിന്റെ മോഹന്ലാല് ചിത്രം ‘ദൃശ്യം 2’. 2013ല് പുറത്തെത്തിയ ബ്ലോക്ക്ബസ്റ്റര് ചിത്രത്തിന്റെ രണ്ടാംഭാഗം ഫെബ്രുവരി 19നാണ് ഡയറക്റ്റ് ഒടിടി റിലീസ് ആയി ആമസോണ് പ്രൈമിലൂടെ എത്തിയത്. ഐഎംഡിബിയുടെ ഈ വര്ഷത്തെ ജനപ്രിയ ഇന്ത്യന് സിനിമകളുടെ ലിസ്റ്റില് നാലാമതാണ് ദൃശ്യം 2.
