തിരുവനന്തപുരം: 45 വയസ്സിനു മുകളിലുള്ളവര്ക്കുള്ള വാക്സിന് കേന്ദ്ര സര്ക്കാര് ലഭ്യമാക്കുമെന്നാണ് പുതിയ വാക്സിന് നയത്തില് വ്യക്തമാക്കുന്നതെന്ന് മുഖ്യമന്ത്രി പിണറായി വിജയന്. സംസ്ഥാനത്ത് 45 വയസ്സിനു മുകളിലുള്ളത് ഏകദേശം 1.13 കോടി ആളുകളാണെന്നും അവര്ക്ക് രണ്ടു ഡോസ് വീതം നല്കണമെങ്കില് 2.26 കോടി ഡോസ് വാക്സിന് ലഭിക്കണമെന്നും മുഖ്യമന്ത്രി 12/05/21 ബുധനാഴ്ച വാർത്താ സമ്മേളനത്തിൽ പറഞ്ഞു.
“കോവിഡ് തരംഗത്തിന്റെ നിലവിലെ വ്യാപനവേഗതയുടെ ഭാഗമായുണ്ടാകുന്ന മരണനിരക്ക് കുറച്ചു നിര്ത്താന് 45 വയസ്സിനു മുകളിലുള്ളവരുടെ വാക്സിനേഷന് എത്രയും പെട്ടെന്ന് പൂര്ത്തിയാക്കണം. അതുകൊണ്ട്, കേരളത്തിനര്ഹമായ വാക്സിനുകള് എത്രയും വേഗത്തില് ലഭ്യമാക്കണം എന്ന് കേന്ദ്ര സര്ക്കാരിനോട് അഭ്യര്ഥിച്ചിട്ടുണ്ട്. ഇക്കാര്യത്തില് നിരവധി തവണ ഔദ്യോഗികമായി തന്നെ കേന്ദ്ര സര്ക്കാരുമായി ബന്ധപ്പെട്ടിട്ടുണ്ട്. ” മുഖ്യമന്ത്രി പറഞ്ഞു.
