ഒട്ടാവ: ക്യാനഡയിലെ ഏറ്റവും വലിയ ഓയിൽ പൈപ്പ്ലൈൻ പദ്ധതിയുടെ നിർമ്മാണ പ്രവർത്തനം നിർത്തിവച്ചു. ട്രാൻസ് മൗണ്ടെയ്ൻ ഓയിൽ പൈപ്പ്ലൈൻ പദ്ധതിയുടെ നിർമാണം നിർത്തിവച്ചതിൻ്റെ കാരണം പൈപ്പ് ലൈൻ പോകുന്ന പ്രദേശത്തെ ഹമ്മിംഗ് പക്ഷികളുടെ കൂടുകളും ആവാസവുമാണ്.
പൈപ്പ്ലൈൻ പദ്ധതിയുടെ ചില ജോലികൾ നിർത്തുമെങ്കിലും . നിയന്ത്രണങ്ങൾക്ക് വിധേയമല്ലാത്ത പ്രദേശങ്ങളിൽ ജോലി തുടരും. സോംഗ്, സ്പാരോസ്, പൈൻ സിസ്കിൻസ്, അമേരിക്കൻ റോബിൻസ്, ബ്ലാക്ക് ക്യാപ്ഡ് ചിക്കഡീസ് എന്നിവയുൾപ്പെടെയുള്ള മറ്റ് ദേശാടന പക്ഷികളെയും ഈ പ്രദേശത്ത് നിന്ന് കണ്ടെത്തിയിരുന്നു.
കനേഡിയൻ പരിസ്ഥിതി, കാലാവസ്ഥാ വ്യതിയാന മന്ത്രാലയം മരങ്ങൾ വെട്ടിമാറ്റുന്നതുൾപ്പെടെയുള്ള നിർമാണം താൽക്കാലികമായി നിർത്താൻ കമ്പനിയോട് നേരത്തേ തന്നെ ആവശ്യപ്പെട്ടിരുന്നു.
ആൽബർട്ടയിൽ നിന്ന് ബ്രിട്ടീഷ് കൊളംബിയ തീരത്തേക്ക് ആയിരത്തിലധികം കിലോമീറ്റർ ഓയിൽ പൈപ്പ്ലൈൻ വികസിപ്പിക്കാനുള്ള പദ്ധതിക്ക് തിരിച്ചടിയാണ് നിയന്ത്രണങ്ങൾ.
