നോമ്പ് കാലത്ത് കൈവിടാതിരിക്കാം കോവിഡ് ജാഗ്രത, നിർദേശങ്ങൾ പുറപ്പെടുവിച്ച് ആരോഗ്യ വകുപ്പ്

തിരുവനന്തപുരം: റംസാൻ നോമ്പ് കാലത്ത് പള്ളികളിലും മറ്റും​ സ്വീകരിക്കേണ്ട കോവിഡ്​ ജാഗ്രത നിര്‍ദേശങ്ങള്‍ ആരോഗ്യവകുപ്പ്​ പുറപ്പെടുവിച്ചു

1.അറുപത്​ വയസ്​ കഴിഞ്ഞവര്‍, രോഗികള്‍ തുടങ്ങിയവര്‍ കോവിഡ്​ വ്യാപനം കണക്കിലെടുത്ത്​ വീടുകളില്‍ നിന്നും മാത്രം പ്രാര്‍ത്ഥനകള്‍ നടത്തുക

2.ഇഫ്​താര്‍ സംഗമങ്ങള്‍ പരമാവധി ഒഴിവാക്കുക
വീട്ടില്‍ സൗകര്യമുള്ളവര്‍ വീട്ടില്‍ തന്നെ നോമ്ബു തുറക്കുക
പള്ളിയില്‍ പോകുന്നവര്‍ വീട്ടില്‍ നിന്ന്​ അംഗ​ശുദ്ധി ചെയ്​ത്​ പോവുക

3.പള്ളിയില്‍ നിസ്​കരിക്കാന്‍ പോകുന്നവര്‍ മുസ്സല്ല (നമസ്​കരിക്കാനുള്ള പായ,വിരി) കൊണ്ടുപോവുക. പുറത്തും പള്ളിയിലും നിര്‍ബന്ധമായും മാസ്​ക്​ ധരിക്കുക

4.പള്ളിയില്‍ പ്രാര്‍ത്ഥന സമയത്ത്​ സാമൂഹിക അകലം പാലിക്കുക,
പള്ളിയില്‍ നിന്ന്​ പ്രാര്‍ത്ഥന കഴിഞ്ഞ്​ വീട്ടില്‍ എത്തിയ ശേഷം കൈകള്‍ വൃത്തിയായി കഴുകുകയും വൃത്തിയായി കുളിക്കുകയും ചെയ്യുക

5.പള്ളിയിലുള്ള മുസല്ല, തൊപ്പി മുതലായവ ഉപയോഗിക്കുകയോ ഹൗളില്‍ (അംഗശുദ്ധി വരുത്താനുള്ള വെള്ളം സംഭരിച്ചിരിക്കുന്ന ടാങ്ക്​, കുളം) നിന്ന്​ അംഗശുദ്ധി വരുത്താതിരിക്കു​കയോ ചെയ്യുക

6.ആരാധനലായങ്ങളിലെ എ.സി ഒഴിവാക്കി, ജനവാതിലുകള്‍ തുറന്നിട്ട്​ മാത്രം പ്രാര്‍ത്ഥന നടത്തുക

7.ആരാധനാലയങ്ങളില്‍ കൈ അണുവിമുക്തമാക്കാനുള്ള സാനിറ്റൈസര്‍, കൈകഴുകാനുള്ള സോപ്പ്​, വെള്ളം, തെര്‍മല്‍ സ്​കാനര്‍ മുതലായവ ഉറപ്പുവരുത്തുക

8.ഇന്‍ഡോര്‍, ഔട്ട്​ഡോര്‍ പരിപാടികളില്‍ പ​ങ്കെടുക്കാവുന്ന പരമാവധി ആളുകളുടെ എണ്ണം 75, 150 എന്ന നിലയില്‍ നിജപ്പെടുത്തിയ സാഹചര്യത്തില്‍ ആരാധനാലയങ്ങളില്‍ എത്തുന്നവരുടെ എണ്ണം മുകളില്‍ പറഞ്ഞ രീതിയില്‍ ക്രമപ്പെടുത്തുക