തിരുവനന്തപുരം : സംസ്ഥാനത്ത് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ് ഇതേതുടര്ന്ന് ആറുജില്ലകളില് യെല്ലോ അലര്ട്ട് പ്രഖ്യാപിച്ചു. ഇടുക്കി, തൃശൂര്,പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് മുന്നറിയിപ്പു നല്കിയിരിക്കുന്നത്. അഞ്ചുദിവസത്തേക്കാണ് ജാഗ്രതാ നിര്ദ്ദേശം .ഒറ്റപ്പെട്ട ഇടങ്ങളില് 24 മണിക്കൂറില് 64.5 മില്ലീമീറ്റര് മുതല് 115 മില്ലീ മീറ്റര് വരെയുളള ശക്തമായ മഴക്കാണ് സാധ്യത.
കോട്ടയം, എറണാകുളം, തൃശൂര്, മലപ്പുറം, വയനാട് ജില്ലകളില് 13നും, ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകള്ക്ക് 14 നും, പതിനഞ്ച്, പതിനാറ് തീയതികളില് ഇടുക്കി, തൃശൂര്, പാലക്കാട്, മലപ്പുറം, വയനാട് ജില്ലകള്ക്കുമാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
