കണ്ണൂർ: ജില്ലയില് ഏപ്രില് 6ന് സര്ക്കാര് മേഖലയില് 18 ആരോഗ്യ കേന്ദ്രങ്ങളില് കൊവിഡ് വാക്സിനേഷന് നല്കും. ഈ കേന്ദ്രങ്ങളില് 45 വയസിനു മുകളിലുള്ളവര്, ആരോഗ്യപ്രവര്ത്തകര്, കൊവിഡ് മുന്നണി പോരാളികള്, പോളിംഗ് ഉദ്യോഗസ്ഥര് എന്നിവര്ക്കാണ് വാക്സിന് നല്കുന്നത്. മുന്ഗണനാ വിഭാഗങ്ങളിലുള്ള എല്ലാവര്ക്കും വാക്സിന് വിതരണം അതിവേഗം പൂര്ത്തിയാക്കുന്നതിനുള്ള നടപടികളുടെ ഭാഗമായാണ് കൂടുതല് സ്ഥലങ്ങളില് വാക്സിനേഷന് കേന്ദ്രങ്ങള് പ്രവര്ത്തിക്കുന്നത് .
സര്ക്കാര് വാക്സിനേഷന് കേന്ദ്രങ്ങള് കൂടാതെ 11 സ്വകാര്യ ആശുപത്രികളും വാക്സിനേഷന് കേന്ദ്രങ്ങളായി പ്രവര്ത്തിക്കും. സര്ക്കാര് കേന്ദ്രങ്ങളില് ഈ വാക്സിനേഷന് സൗജന്യമാണ്. സ്വകാര്യ ആശുപത്രികളില് സര്ക്കാര് നിശ്ചയിച്ച നിരക്കായ 250 രൂപ നല്കണം.
കോവിന് വെബ്സൈറ്റോ ആരോഗ്യസേതു ആപ്പോ വഴി ഓണ്ലൈനായി രജിസ്റ്റര് ചെയ്ത് വാക്സിന് സ്വീകരിക്കാം. www.cowin.gov.in എന്ന വെബ്സൈറ്റ് സന്ദര്ശിച്ച് രജിസ്റ്റര് യുവര് സെല്ഫ് എന്ന ഓപ്ഷന് തിരഞ്ഞെടുക്കണം. തുറന്നു വരുന്ന വിന്ഡോയില് മൊബൈല് നമ്പര് നല്കി ഗെറ്റ് ഒടിപി എന്ന ഓപ്ഷന് ക്ലിക് ചെയ്യുക. മൊബൈലില് വരുന്ന ഒടിപി നല്കുക. ഫോട്ടോ പതിച്ച ഏതെങ്കിലും തിരിച്ചറിയല് രേഖയിലെ നമ്പറും വ്യക്തിഗത വിവരങ്ങളും നല്കിയാല് രജിസ്റ്റേര്ഡ് എന്ന സന്ദേശം ലഭിക്കും. തുടര്ന്ന് ലഭ്യമാകുന്ന വാക്സിനേഷന് കേന്ദ്രങ്ങളില് സൗകര്യപ്രദമായത് തെരഞ്ഞെടുക്കുക. ഒരു മൊബൈല് നമ്പര് ഉപയോഗിച്ച് കുടുംബത്തിലെ നാല് പേരെ രജിസ്റ്റര് ചെയ്യാം. ഓരോരുത്തരും അവരവരുടെ തിരിച്ചറിയല് രേഖ വിവരങ്ങള് നല്കണം.
വാക്സിനേഷന് കൊടുക്കുന്ന ജില്ലയിലെ സ്വകാര്യ ആശുപത്രികള്
പയ്യന്നൂര് അനാമയ ഹോസ്പിറ്റല്, പയ്യന്നൂര് സബാ ഹോസ്പിറ്റല്, പയ്യന്നൂര് ഐ ഫൌണ്ടേഷന്, കണ്ണൂര് ആസ്റ്റര് മിംസ്, കണ്ണൂര് അശോക ഹോസ്പിറ്റല്, കണ്ണൂര് ധനലക്ഷ്മി ഹോസ്പിറ്റല്, കണ്ണൂര് മദര് ആന്റ് ചൈല്ഡ് ഹോസ്പിറ്റല്, ഇരിട്ടി അമല ഹോസ്പിറ്റല്, ഇരിട്ടി സ്കൈ സൂപ്പര് സ്പെഷ്യാലിറ്റി, പഴയങ്ങാടി ഡോ. ബീബിസ് ഹോസ്പിറ്റല്, അര്ച്ചന ഹോസ്പിറ്റല് പേരാവൂര്. വാക്സിനേഷന് കേന്ദ്രത്തില് പോകുമ്പോള് ആധാര് കാര്ഡോ, അംഗീകൃത ഫോട്ടോ പതിച്ച തിരിച്ചറിയല് കാര്ഡോ കരുതണം. 45 നും 59 നും ഇടയിലുള്ളവര് ഒരു രജിസ്റ്റേര്ഡ് മെഡിക്കല് പ്രാക്ടീഷണര് ഒപ്പിട്ട കോമോര്ബിഡിറ്റി സര്ട്ടിഫിക്കറ്റ് വാക്സിനേഷന് കേന്ദ്രത്തില് സമര്പ്പിക്കേണ്ടതാണ്.
