ജക്കാർത്ത: ഇന്തോനേഷ്യയിൽ വിമാന ദുരന്തത്തിൽ മരിച്ച യാത്രക്കാരുടെ ശരീരാവശിഷ്ടങ്ങൾ കണ്ടെടുത്തു.ഞായറാഴ്ച(10/01/21) പുലർച്ചെയാണ് ജാവാ കടലിൽ നിന്ന് ഇന്തോനേഷ്യൻ രക്ഷാപ്രവർത്തകർ ശരീരഭാഗങ്ങൾ, വസ്ത്രങ്ങൾ, ലോഹക്കഷണങ്ങൾ എന്നിവ കണ്ടെടുത്തത്. ഞായറാഴ്ച കടലിൽ തകർന്നു വീണ ശ്രീവിജയ എയർലൈൻസിന്റെ എസ് ജെ 182 ബോയിംഗ് 737-500 വിമാനത്തിൽ 62 യാത്രക്കാരാണ് ഉണ്ടായിരുന്നത്.
ക്രാഷ് സൈറ്റിന്റെ സാധ്യമായ സ്ഥലം തിരിച്ചറിഞ്ഞ ശേഷം അധികൃതർ ഊർജിതമായ തിരച്ചിൽ ആരംഭിച്ചതായി ഗതാഗത മന്ത്രി ബുഡി കരിയ സുമാദി മാധ്യമപ്രവർത്തകരോട് പറഞ്ഞു.
ലങ്കാങ് ദ്വീപിനും ലക്കി ദ്വീപിനുമിടയിൽ നിന്നുമാണ് അവശിഷ്ടങ്ങൾ കണ്ടെത്തിയതെന്ന് നാഷണൽ സെർച്ച് ആൻഡ് റെസ്ക്യൂ ഏജൻസി ബാഗസ് പുരുഹിറ്റോ പ്രസ്താവനയിൽ പറഞ്ഞു.
റിഗൽ നാവിക കപ്പലിലെ വിദൂര ഓപ്പറേറ്റഡ് വാഹനം ഘടിപ്പിച്ച ടീമുകൾ വിമാനത്തിൽ നിന്ന് ഒരു സിഗ്നൽ കണ്ടെത്തിയതായി ഇന്തോനേഷ്യൻ മിലിട്ടറി ചീഫ് എയർ ചീഫ് മാർഷൽ ഹാഡി ജാജാന്റോ പറഞ്ഞു.
