എറണാകുളം: തദ്ദേശ തിരഞ്ഞെടുപ്പില് സമ്മതിദായകര്ക്ക് വോട്ട് ചെയ്യുന്നതിന് തിരിച്ചറിയല് രേഖകളായി എട്ട് രേഖകളിൽ ഏതെങ്കിലും ഹാജരാക്കാം. സംസ്ഥാന തിരഞ്ഞെടുപ്പ് കമീഷനാണ് തിരിച്ചറിയൽ രേഖകളുടെ ലിസ്റ്റ് പ്രസിദ്ധീകരിച്ചത്.
കേന്ദ്ര തെരഞ്ഞെടുപ്പ് കമ്മീഷന് നല്കിയിട്ടുള്ള തിരിച്ചറിയല് കാര്ഡ്, പാസ്പോര്ട്ട്, ഡ്രൈവിംഗ് ലൈസന്സ്, പാന് കാര്ഡ്, ആധാര് കാര്ഡ്, ഫോട്ടോ പതിച്ചിട്ടുള്ള എസ്.എസ്.എല്.സി സര്ട്ടിഫിക്കറ്റ് അല്ലെങ്കില് ബുക്ക്, ഏതെങ്കിലും ദേശസാല്കൃത ബാങ്കില് നിന്നും തിരഞ്ഞെടുപ്പ് തീയതിക്ക് ആറുമാസകാലയളവിന് മുന്പുവരെ നല്കിയിട്ടുള്ള ഫോട്ടോ പതിച്ച പാസ്ബുക്ക്,. വോട്ടര് പട്ടികയില് പുതിയതായി പേര് ചേര്ത്തിട്ടുള്ള വോട്ടര്മാര്ക്ക് സംസ്ഥാന തെരഞ്ഞെടുപ്പ് കമ്മീഷല് നല്കിയിട്ടുള്ള തിരിച്ചറിയല് കാര്ഡ് എന്നിവ തിരിച്ചറിയല് രേഖയായി ഉപയോഗിക്കാം. പോളിങ് സ്റ്റേഷനിലേക്ക് പ്രവേശിക്കുമ്പോള് ലിസ്റ്റിലെ ഏതെങ്കിലും ഒരു രേഖ തിരഞ്ഞെടുപ്പ് ഉദ്യോഗസ്ഥനെ കാണിക്കണം.
