കൊല്‍ക്കത്ത: തെരഞ്ഞെടുപ്പ് കമ്മീഷന്‍ ബുധനാഴ്ച പ്രസിദ്ധീകരിച്ച കരട് വോട്ടര്‍ പട്ടിക പ്രകാരം പശ്ചിമ ബംഗാളില്‍ ഏകദേശം 3.51 കോടി വനിതാ വോട്ടര്‍മാര്‍. അതായത് മൊത്തം വോട്ടര്‍മാരില്‍ 49 ശതമാനം. വോട്ടര്‍ പട്ടിക പുനരവലോകനം പൂര്‍ത്തിയാകുമ്പോള്‍ പശ്ചിമ ബംഗാളിലെ വനിതാ വോട്ടര്‍മാരുടെ എണ്ണം 50 ശതമാനം കടക്കുമെന്നാണ് പ്രതീക്ഷ.വനിതാ വോട്ടര്‍മാര്‍ 50 ശതമാനം കടന്നാല്‍ കേരളം, തമിഴ്നാട്, ആന്ധ്രാപ്രദേശ് എന്നിവയ്ക്ക് ശേഷം ഈ നേട്ടം കൈവരിക്കുന്ന നാലാമത്തെ സംസ്ഥാനമായി ബംഗാള്‍ മാറുമെന്ന് തിരഞ്ഞെടുപ്പ് അധികൃതര്‍ പറഞ്ഞു.കഴിഞ്ഞ ഒരു വര്‍ഷത്തിനിടെ ഏകദേശം 11 ലക്ഷം സ്ത്രീകള്‍ വോട്ടര്‍ പട്ടികയില്‍ പേര് ചേര്‍ത്തിട്ടുണ്ട്. 8.5 ലക്ഷം പുരുഷന്മാര്‍ പേര് ചേര്‍ത്തിട്ടുണ്ട്.
തമിഴ്നാട്ടിലും ആന്ധ്രയിലും 50.5 ശതമാനവും 50.4 ശതമാനം വനിതാ വോട്ടര്‍മാരുമുണ്ട്. ബംഗാളില്‍ 1,430 മൂന്നാം ലിംഗ വോട്ടുകളുണ്ട്. കരട് വോട്ടര്‍ പട്ടിക ഉടന്‍ പ്രസിദ്ധീകരിക്കും. പുനരവലോകനത്തിന് ശേഷം നാമനിര്‍ദ്ദേശങ്ങള്‍, പുറത്താക്കലുകള്‍, പുതിയ വാദം കേള്‍ക്കല്‍ എന്നിവ ഉണ്ടാകും. അന്തിമ പുനരവലോകന പ്രവര്‍ത്തനങ്ങള്‍ ജനുവരി 5 വരെ തുടരും. ജനുവരി 15 ന് അന്തിമ വോട്ടര്‍ പട്ടിക പ്രസിദ്ധീകരിക്കുമെന്നും തെരഞ്ഞെടുപ്പ് കമ്മീഷന്‍ അധികൃതര്‍ പറഞ്ഞു.
