കൊച്ചി ഫെബ്രുവരി 13: 2015ലെ വോട്ടര്പട്ടിക, വരുന്ന തദ്ദേശ തെരഞ്ഞെടുപ്പില് ഉപയോഗിക്കരുതെന്ന് ഹൈക്കോടതി. തെരഞ്ഞെടുപ്പ് കമ്മീഷന്റെ നിര്ദ്ദേശത്തെ ചോദ്യം ചെയ്ത് യുഡിഎഫ് സമര്പ്പിച്ച അപ്പീല് അംഗീകരിച്ചുകൊണ്ടാണ് ഹൈക്കോടതി ഡിവിഷന് ബഞ്ചിന്റെ പുതിയ നിര്ദ്ദേശം.
2019ലെ വോട്ടര്പട്ടിക ഉപയോഗിച്ച് തദ്ദേശ തെരഞ്ഞെടുപ്പ് നടത്താമെന്നും തെരഞ്ഞെടുപ്പ് കമ്മീഷന് ഉത്തരവ് റദ്ദാക്കികൊണ്ട് ഹൈക്കോടതി നിര്ദ്ദേശം നല്കി. പുതിയ വോട്ടര്പട്ടിക സാമ്പത്തികബാധ്യതയെന്നായിരുന്നു സര്ക്കാരിന്റെ വാദം. എന്നാല് 2015ലെ വോട്ടര്പട്ടിക ഉപയോഗിച്ച് തെരഞ്ഞെടുപ്പ് നടത്തുന്ന നടപടി തെറ്റാണെന്ന് ഹൈക്കോടതി കണ്ടെത്തി.
വോട്ടര്പട്ടികയില് ഒരിക്കല് ഉള്പ്പെട്ട ഒരാള് പിന്നീട് പുറത്താക്കപ്പെടണമെങ്കില് കൃത്യമായ കാരണങ്ങള് വേണം. അത്തരത്തില് വോട്ടര്പട്ടികയില് പേരുള്ള ഒരാള് തദ്ദേശഭരണ തെരഞ്ഞെടുപ്പില് വോട്ട് ചെയ്യാന് വീണ്ടും പേര് ചേര്ക്കേണ്ട സാഹചര്യമുണ്ടാകരുത്. ഇത് വോട്ടര്മാരോട് ചെയ്യുന്ന നീതിപൂര്വ്വമായ നടപടിയല്ലെന്നും ഹൈക്കോടതി വ്യക്തമാക്കി.
