അബുദാബി ഫെബ്രുവരി 11: യുഎഇയില് ഇന്ത്യന് പൗരന് കൊറോണ വൈറസ് ബാധ സ്ഥിരീകരിച്ചു. പൗരന്റെ ആരോഗ്യനില തൃപ്തികരമാണെന്ന് ആരോഗ്യ മന്ത്രാലയം അറിയിച്ചു. ആദ്യമായാണ് യുഎഇയില് ഇന്ത്യന് പൗരന് രോഗബാധ സ്ഥിരീകരിക്കുന്നത്. ഇതോടെ യുഎഇയില് കൊറോണ വൈറസ് ബാധിച്ചവരുടെ എണ്ണം എട്ടായി.
ഒരു തരത്തിലുമുള്ള ആശങ്കയും വേണ്ടായെന്ന് ആരോഗ്യ മന്ത്രാലയം വ്യക്തമാക്കി. ഇന്നും വിമാനത്താവളങ്ങള് ഉള്പ്പെടെയുള്ള ഇടങ്ങളിലെ നിരീക്ഷണം തുടരുമെന്നും യുഎഇ ആരോഗ്യ മന്ത്രാലയം അറിയിച്ചു.
