തിരുവനന്തപുരം ഫെബ്രുവരി 7: ക്ഷേമപെന്‍ഷനുകളെല്ലാം നൂറുരൂപ വര്‍ദ്ധിപ്പിച്ചതായി ബജറ്റ് അവതരിപ്പിച്ച് കൊണ്ട് ധനമന്ത്രി തോമസ് ഐസക് പ്രഖ്യാപിച്ചു. ക്ഷേമപെന്‍ഷന്‍ ഇതോടെ 1300 രൂപയായി മാറും. ക്ഷേമപെന്‍ഷനുകള്‍ക്ക് വേണ്ടി കഴിഞ്ഞ യുഡിഎഫ് സര്‍ക്കാര്‍ വിതരണം ചെയ്തത് 9311 കോടി രൂപയാണ്. കഴിഞ്ഞ നാല് വര്‍ഷത്തിനിടെ എല്‍ഡിഎഫ് സര്‍ക്കാര്‍ 22,000 കോടിയിലധികം രൂപ ഈയിനത്തില്‍ ചെലവഴിച്ചെന്ന് തോമസ് ഐസക് പറഞ്ഞു.
പതിമൂന്ന് ലക്ഷത്തിലധികം വയോജനങ്ങള്‍ക്ക് കൂടി ക്ഷേമപെന്‍ഷന്‍ നല്‍കിയെന്നും ഐസക് വ്യക്തമാക്കി.
