ന്യൂഡല്ഹി: മുതിര്ന്ന കോണ്ഗ്രസ് നേതാവ് മോത്തിലാല് വോറ (93) അന്തരിച്ചു. ഡല്ഹിയില് ഫോര്ട്ടിസ് എസ്കോര്ട്ട് ആശുപത്രിയിലായിരുന്നു അന്ത്യം. കോവിഡ് ബാധിതനായ അദ്ദേഹത്തിന് ശ്വാസ തടസം അനുഭവപ്പെട്ടതിനേ തുടര്ന്നാണ് കഴിഞ്ഞ ദിവസം ആശുപത്രിയില് പ്രവേശിപ്പിച്ചത്. 20-12 – 2020 ഞായറാഴ്ചയായിരുന്നു വോറ തന്റെ 93-ാം ജന്മദിനം ആഘോഷിച്ചത് .
ഈ വര്ഷം ഒക്ടോബറിലാണ് കോവിഡ് സ്ഥിരീകരിച്ചത് .തുടർന്ന് ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസ് (എയിംസ്)ല് പ്രവേശിപ്പിച്ച അദ്ദേഹം രോഗമുക്തി നേടിയിരുന്നു.
മധ്യപ്രദേശ് മുന് മുഖ്യമന്ത്രിയായിരുന്ന മോത്തിലാല് വോറ 2020 ഏപ്രില് വരെ ഛത്തീസ്ഗഢില് നിന്നുള്ള രാജ്യസഭാംഗമായിരുന്നു. എഐസിസി ജനറല് സെക്രട്ടറിയുമായിരുന്നു. രാഹുല്ഗാന്ധി കോണ്ഗ്രസ് അധ്യക്ഷസ്ഥാനം ഒഴിഞ്ഞതിനു പിന്നാലെ വോറ ഇടക്കാല അധ്യക്ഷനാവുമെന്നും പ്രചരച്ചിരുന്നു.’
