.
മുനമ്പം: മുനമ്പം ഭൂമി വിഷയത്തില് പ്രദേശവാസികളായ ഭൂവുടമകള്ക്കു പൂര്ണമായ റവന്യു അവകാശം സ്ഥാപിച്ചുനല്കാനുള്ള നടപടികളെടുക്കാന് ജില്ലാ കളക്ടറുടെ നിര്ദേശം. കൊച്ചി തഹസില്ദാര്ക്കും കുഴുപ്പിള്ളി വില്ലേജ് ഓഫീസര്ക്കുമാണ് കളക്ടര് രേഖാമൂലം നിര്ദേശം നല്കിയത്.വിഷയത്തില് സുപ്രീംകോടതിയിലെയും ഹൈക്കോടതിയിലെയും ഹര്ജികളുടെ അന്തിമവിധിക്ക് അനുസൃതമായിട്ടാകും നടപടികള് എന്ന ഉപാധിയോടെയാണ് ഉത്തരവിറക്കിയിട്ടുള്ളത്.
ഭൂമിയുടെ കരമയ്ടക്കുന്നതിനുള്ള അനുമതി ഹൈക്കോടതി ഡിവിഷന് ബെഞ്ച് നല്കിയിരുന്നു
ഹൈക്കോടതി ഡിവിഷന് ബെഞ്ച് കഴിഞ്ഞ 26ന് ഭൂമിയുടെ കരമയ്ടക്കുന്നതിനുള്ള അനുമതി നല്കിയിരുന്നു. ഇതനുസരിച്ച് നിരവധി കുടുംബങ്ങള് കരമടയ്ക്കുകയും ചെയ്തു. കരമടച്ച ഭൂവുടമകള് പോക്കുവരവിന് അനുവാദം തരണമെന്ന് അപേക്ഷിച്ചതിനെത്തുടര്ന്ന് വില്ലേജ് ഓഫീസര് തഹസില്ദാര് വഴി ജില്ലാ കളക്ടര്ക്ക് കത്ത് നല്കി.ഇതിന്റെ അടിസ്ഥാനത്തില് കളക്ടര് ഹൈക്കോടതി ഡിവിഷന് ബെഞ്ചിന്റെ ഉത്തരവ് പരിശോധിച്ചതിനു ശേഷമാണ് മുഴുവന് റവന്യൂ അവകാശങ്ങളും സ്ഥാപിക്കുന്നതിന് താത്കാലിക അനുവാദം വില്ലേജ് ഓഫീസര്ക്ക് നല്കി ഉത്തരവിറക്കിയത്.
.
