.
തിരുവനന്തപുരം: എട്ടു നാള് അനന്തപുരി സാക്ഷ്യം വഹിച്ച കായിക മേളയ്ക്ക് ഒക്ടോബർ 28 ചൊവ്വാഴ്ച പരിസമാപ്തി. വൈകിട്ട് നാലിന് തിരുവനന്തപുരം യൂണിവേഴ്സിറ്റി സ്റ്റേഡിയത്തില് നടക്കുന്ന സമാപനച്ചടങ്ങിൽ ഗവര്ണര് രാജേന്ദ്ര ആര്ലേക്കര് മുഖ്യാതിഥിയാകും. ഓവറോള് ചാമ്പ്യന്മാര്ക്കുള്ള മുഖ്യമന്ത്രിയുടെ സ്വര്ണക്കപ്പ് കൈമാറിയ ശേഷം കായിക മേളയുടെ കൊടി താഴ്ത്തുകയും ദീപശിഖ അണയ്ക്കുകയും ചെയ്യും
.വിദ്യാഭ്യാസ മന്ത്രി വി.ശിവന്കുട്ടി അധ്യക്ഷത വഹിക്കുന്ന ചടങ്ങില് മന്ത്രിമാരായ വീണാ ജോര്ജ്, സജി ചെറിയാന്, ജി.ആര് അനില് എന്നിവര് സംസാരിക്കും. മേയര് ആര്യ രാജേന്ദ്രന്, ആന്റണി രാജു എംഎല്എ, ഒളിമ്പ്യന് പി.ആര് ശ്രീജേഷ്, പൊതു വിദ്യാഭ്യാസ വകുപ്പ് സെക്രട്ടറി കെ. വാസുകി, ഡയറക്ടര് എന് എസ് കെ ഉമേഷ്, ജില്ലാ കളക്ടര് അനുകുമാരി എന്നിവര് പങ്കെടുക്കും.
