.തൊടുപുഴ: ന്യൂനപക്ഷ ക്ഷേമ വകുപ്പ് 2024-25 വർഷത്തില് സർക്കാർ, എയ്ഡഡ് സ്കൂളുകളിലെ ഒന്നുമുതല് എട്ടുവരെ ക്ലാസുകളില് പഠിക്കുന്ന ക്രിസ്ത്യൻ-മുസ്ലിം വിദ്യാർഥികള്ക്കായി നടപ്പാക്കുന്ന മാർഗദീപം ന്യൂനപക്ഷ സ്കോളർഷിപ്പ് പദ്ധതിയില് പേര് രജിസ്റ്റർ ചെയ്യുന്നതിനുള്ള അവസാന തിയതി മാർച്ച് 12 വരെ ദീർഘിപ്പിച്ചു.
പ്രതിവർഷം ഓരോ കുട്ടിക്കും 1,500 രൂപ വീതം ലഭിക്കുന്നു
സംസ്ഥാനത്ത് 1,31,000 കുട്ടികളാണ് പദ്ധതിയില് ഗുണഭോക്താക്കളായുള്ളത്. പ്രതിവർഷം ഓരോ കുട്ടിക്കും 1,500 രൂപ വീതം ലഭിക്കുന്ന സ്കോളർഷിപ്പാണിത്. കഴിഞ്ഞ രണ്ടുദിവസങ്ങളിലെ അവധിയും മറ്റു സാങ്കേതിക പ്രശ്നങ്ങളും മൂലം ഭൂരിഭാഗം വിദ്യാർഥികള്ക്കും രജിസ്റ്റർ ചെയ്യാനായിരുന്നില്ല. ഇതേത്തുടർന്നു സ്ഥാപനമേധാവികളടക്കം രജിസ്ട്രേഷനുള്ള സമയം ദീർഘിപ്പിക്കണമെന്നാവശ്യപ്പെട്ട് പൊതുവിദ്യാഭ്യാസ ഡയറക്ടർക്ക് പരാതി നല്കിയിരുന്നു. ഇതേത്തുടർന്നാണ് തിയതി നീട്ടി വെള്ളിയാഴ്ച വൈകി ഉത്തരവിറങ്ങിയത്
