.കോഴിക്കോട്: താമരശ്ശേരിയിലെ സംഘര്ഷത്തില് വിദ്യാര്ഥികളുടെ ക്രൂരമര്ദ്ദനത്തിനിരയായി കൊല്ലപ്പെട്ട മുഹമ്മദ് ഷഹബാസിന്റെ ഖബറടക്കം നടത്തി. ചുങ്കം ജുമാ മസ്ജിദിലാണ് സംസ്കാര ചടങ്ങുകള് നടന്നത്. കിടവൂര് മദ്രസയില് പൊതുദര്ശനത്തിന് വച്ചപ്പോള് സുഹൃത്തുക്കളും നാട്ടുകാരും ബന്ധുക്കളുമുള്പ്പെടെ നൂറ് കണക്കിന് പേരാണ് ചടങ്ങിനെത്തിയത്.
ശനിയാഴ്ച പുലര്ച്ചെ ഒരു മണിയോടെയാണ് മരിച്ചത്.
എം.ജെ. ഹയര് സെക്കന്ഡറി സ്കൂളിലെ പത്താം ക്ലാസ് വിദ്യാര്ഥിയായിരുന്നു മുഹമ്മദ് ഷഹബാസ്. കോഴിക്കോട് ഗവ. മെഡിക്കല് കോളേജില് ചികിത്സയിലിരിക്കേ മാർച്ച് 1 ശനിയാഴ്ച പുലര്ച്ചെ ഒരു മണിയോടെയാണ് മരിച്ചത്. താമരശ്ശേരി ചുങ്കം പാലോറക്കുന്ന് ഇഖ്ബാല്-റംസീന ദമ്പതിമാരുടെ മകനാണ്.
.ഷഹബാസിനെ നഞ്ച് ഉപയോഗിച്ച് മര്ദ്ദിച്ചുവെന്നാണ് പോലീസ് പറയുന്നത്.
തലച്ചോറിന് പരിക്കേറ്റതാണ് മരണകാരണമെന്ന് പോസ്റ്റ്മോര്ട്ടം റിപ്പോര്ട്ടില് പറയുന്നു. തലയോട്ടിക്ക് ഗുരുതരമായ പൊട്ടലുണ്ട്, തലച്ചോറിന് ക്ഷതമേറ്റിട്ടുമുണ്ട്. ആയുധം കൊണ്ടുള്ള മുറിവാണിത്. ഷഹബാസിനെ നഞ്ച് ഉപയോഗിച്ച് മര്ദ്ദിച്ചുവെന്നാണ് പോലീസ് പറയുന്നത്. ഇത് തെളിയിക്കുന്ന രീതിയില് കുട്ടികള് തമ്മിലുള്ള വാട്സാപ്പ്, ഇന്സ്റ്റഗ്രാം സന്ദേശവും പുറത്തുവന്നിരുന്നു
