ന്യൂഡൽഹി, 2026 ജൂൺ 15

യുവാക്കൾക്ക് കൂടുതൽ അവസരങ്ങൾ ഒരുക്കുന്നതിനും ദേശീയ കേഡറ്റ് കോർപ്പ്സിന്റെ പ്രവർത്തനം കൂടുതൽ വ്യാപിപ്പിക്കുന്നതിനുമായി ആന്ധ്രപ്രദേശിലും ജാർഖണ്ഡിലും സ്വതന്ത്ര സംസ്ഥാന ഡയറക്ടറേറ്റുകൾ സ്ഥാപിക്കാൻ എൻസിസി ആസ്ഥാന ഡയറക്ടറേറ്റ് ജനറൽ അംഗീകാരം നൽകി. ഇതോടെ രാജ്യത്തെ എൻസിസി സംസ്ഥാന ഡയറക്ടറേറ്റുകളുടെ എണ്ണം പതിനേഴിൽ നിന്ന് പത്തൊൻപതായി ഉയർന്നു.

പുതിയ ഡയറക്ടറേറ്റുകൾ നിലവിൽ വരുന്നതോടെ എൻസിസി കേഡറ്റുകൾക്കും വിദ്യാഭ്യാസ സ്ഥാപനങ്ങൾക്കും സേവനങ്ങൾ കൂടുതൽ അടുത്തെത്തും. പരിശീലന-വികസന പ്രവർത്തനങ്ങൾക്ക് കൂടുതൽ ഏകോപനവും മികച്ച മേൽനോട്ടവും ലഭിക്കും. പരിശീലന സൗകര്യങ്ങളും പിന്തുണ സംവിധാനങ്ങളും മെച്ചപ്പെടുന്നതിലൂടെ ഈ സംസ്ഥാനങ്ങളിലെ യുവാക്കൾക്ക് കൂടുതൽ അവസരങ്ങൾ ലഭിക്കുമെന്നും പ്രതിരോധ മന്ത്രാലയം അറിയിച്ചു. പ്രധാനമന്ത്രി നരേന്ദ്ര മോദിയുടെ യുവശാക്തീകരണ കാഴ്ചപ്പാടിന്റെ ഭാഗമായാണ് ഈ തീരുമാനമെന്നും വ്യക്തമാക്കുന്നു.

ആയിരത്തി തൊള്ളായിരത്തി നാൽപ്പത്തിയെട്ടിൽ ഇരുപതിനായിരം കേഡറ്റുകളുമായി ആരംഭിച്ച എൻസിസി ഇന്ന് ഇരുപത് ലക്ഷത്തിലധികം കേഡറ്റുകളുള്ള ലോകത്തിലെ ഏറ്റവും വലിയ യൂണിഫോംധാരികളായ യുവജന സംഘടനയായി വളർന്നു. രണ്ടായിരത്തി പതിനാലിനും രണ്ടായിരത്തി ഇരുപത്തിയഞ്ചിനും ഇടയിൽ ആറു ലക്ഷം കേഡറ്റുകളുടെ വർധനയും സംഘടനയിൽ ഉണ്ടായിട്ടുണ്ട്. നിലവിൽ രാജ്യത്തെ എഴുന്നൂറ്റമ്പതിലധികം ജില്ലകളിൽ എൻസിസി പ്രവർത്തിക്കുന്നുണ്ട്. പുതിയ ഭരണഘടനാ ശക്തിയോടെ ഉത്തരവാദിത്തമുള്ള പൗരന്മാരെ വളർത്തുന്നതിനുള്ള പ്രവർത്തനങ്ങൾ തുടരുമെന്നും അറിയിച്ചിട്ടുണ്ട്.

.

.