തിരുവനന്തപുരം: മുഖ്യമന്ത്രി പദവിയില് വി.ഡി. സതീശനെ ഉയര്ത്തിക്കാട്ടി നടത്തുന്ന പ്രകടനങ്ങളില് അടിയന്തരമായി റിപ്പോര്ട്ട് നല്കണമെന്ന് ജില്ലാ കോണ്ഗ്രസ് കമ്മിറ്റികള്ക്ക് കെപിസിസി.നിര്ദേശം നല്കി. കോണ്ഗ്രസ് ഹൈക്കമാന്ഡ് നിര്ദേശപ്രകാരമാണ് നടപടി. പ്രകടനത്തില് പങ്കെടുത്തവരുടെ വിവരങ്ങള് കൈമാറണമെന്നും കെപിസിസി നിര്ദേശിച്ചു പ്രകടനങ്ങള് അച്ചടക്ക ലംഘനമായി കണക്കാക്കി നടപടിയെടുക്കണമെന്ന് നേരത്തെ മുന്നറിയിപ്പ് നല്കിയിരുന്നു.
ഇടുക്കിയില്നാലുപേർക്കെതിരെ നടപടി
ഇടുക്കിയില് സതീശനെ അനുകൂലിച്ച് പ്രകടനം നടത്തിയ നാലുപേർക്കെതിരെ നടപടിയെടുത്തത് ഹൈക്കമാന്ഡ് നിര്ദേശപ്രകാരമാണെന്ന് .ഡിസിസി പ്രസിഡന്റ് സി.പി. മാത്യൂ പ്രതികരിച്ചു . മറ്റിടങ്ങളില് നടപടി ഉണ്ടാകുന്നുണ്ടോയെന്നത് താന് പരിശോധിക്കേണ്ടതില്ലെന്നും ഇടുക്കിയിലെ കാര്യം മാത്രമാണ് തനിക്ക് അറിയൂവെന്നും മാത്യൂ പറഞ്ഞു. ഡിസിസിയുടെ അച്ചടക്ക നടപടിയെ വിമര്ശിച്ച് ഡീന് കുര്യാക്കോസ് രംഗത്തെത്തിയിരുന്നു.
.