തൃശൂര്: കേച്ചേരി ചിറനെല്ലൂരില് കാറുകൾ കൂട്ടിയിടിച്ചുണ്ടായ അപകടത്തിൽ സ്ത്രീ മരിച്ചു. നാല് പേർക്ക് പരിക്കേറ്റു. ഇരട്ടി ഉളിക്കല് സ്വദേശികളായ പുതുമനമുഴിയില് വീട്ടില് റോബര്ട്ടിന്റെ ഭാര്യ ഡെന്നി (54) യാണ് മരിച്ചത്. മകന് ജെസ്വിന് (22), പുതുമനമുഴിയില് സക്കറിയ ഭാര്യ ഗ്രെയ്സി (57), ഹൈദരാബാദ് സ്വദേശി നാര്വ കൃഷ്ണ (48) എന്നിവര്ക്കാണ് പരിക്കേറ്റത്. പരിക്കേറ്റവരെ അമല ആശുപത്രിയില് പ്രവേശിപ്പിച്ചു.
അപകടത്തിൽ ഇരു വാഹനങ്ങളുടെയും മുന്ഭാഗങ്ങള് പൂര്ണമായും തകര്ന്നു
ചിറനെല്ലൂര് വില്ലേജ് ഓഫീസിന് സമീപമാണ് അപകടം നടന്നത്. അപകടത്തിൽ ഇരു വാഹനങ്ങളുടെയും മുന്ഭാഗങ്ങള് പൂര്ണമായും തകര്ന്നു. നിയന്ത്രണം വിട്ട ഒരു കാര് റോഡരികിലെ കാനയ്ക്കരികെയുള്ള വീടിന്റെ മതിലിടിച്ചാണ് നിന്നത്. മതിലും തകർന്നിട്ടുണ്ട്. കാറിന്റെ മുന്വശത്തെ ചക്രം തെറിച്ചു പോയ നിലയിലാണ്.
