തിരുവനന്തപുരം: കെ-റെയിൽ പദ്ധതിയിൽ ഇനി പ്രതീക്ഷയില്ലെന്ന മുഖ്യമന്ത്രിയുടെ പ്രസ്താവന ത്രിതല പഞ്ചായത്ത് തെരഞ്ഞെടുപ്പിൽ ഇതുമൂലം ഉണ്ടാകാവുന്ന തിരിച്ചടി ഭയന്നു ജനങ്ങളെ കബളിപ്പിക്കാൻ നടത്തിയിരിക്കുന്ന സൂത്രവിദ്യയാണെന്ന് കേരള കോണ്ഗ്രസ് വൈസ് ചെയർമാൻ ജോസഫ് എം. പുതുശേരി. സംസ്ഥാന സർക്കാർ സമർപ്പിച്ച ഡിപിആർ തിരിച്ചയച്ചതടക്കമുള്ള കാര്യങ്ങൾ നേരത്തേ സംഭവിച്ചതാണ്. അന്നൊക്കെ മൗനം അവലംബിച്ച മുഖ്യമന്ത്രി ഇപ്പോൾ ഈ കാര്യം എടുത്തിട്ടതിനു പിന്നിൽ ഈ ഗൂഢലക്ഷ്യം മാത്രമാണുള്ളത്.
ടി.പി. രാമകൃഷ്ണന്റെ പ്രസ്താവന ഇക്കാര്യത്തിലെ ഒളിച്ചുകളി വെളിവാക്കുന്നു.
മുഖ്യമന്ത്രിയുടെ പ്രസ്താവനയ്ക്കു ശേഷവും സിൽവർ ലൈനുമായി മുന്നോട്ടുപോകാനാണ് സംസ്ഥാന സർക്കാർ ശ്രമിക്കുന്നതെന്ന എൽഡിഎഫ് കണ്വീനർ ടി.പി. രാമകൃഷ്ണന്റെ പ്രസ്താവന ഇക്കാര്യത്തിലെ ഒളിച്ചുകളി വെളിവാക്കുന്നതാണെന്ന് പുതുശേരി പറഞ്ഞു.
