കോൽക്കത്ത: ബംഗാളിലെ മൂർഷിദാബാദിൽ ബാബറി മസ്ജിദിന്റെ മാതൃകയിൽ മോസ്ക് നിർമിക്കുമെന്നു പ്രഖ്യാപിച്ച ഹുമയൂൺ കബീർ എംഎൽഎയെ തൃണമൂൽ കോൺഗ്രസ് സസ്പെൻഡ് തെയ്തു. അയോധ്യയിലെ ബാബ്റി മസ്ജിദ് തകർക്കപ്പെട്ട ഡിസംബർ ആറിന് ബേൽഡംഗയിൽ മോസ്കിനു തറക്കല്ലിടുമെന്നായിരുന്നു ഹുമയൂൺ കബീറിന്റെ പ്രഖ്യാപനം.
മുന്പും കബീറിന്റെ പ്രസ്താവനകൾ വിവാദമുയർത്തിയിട്ടുണ്ട്. കബീറിന്റേത് സാമുദായിക രാഷ്ട്രീയമാണെന്നും പാർട്ടി കർശനമായി അതിനെ എതിർക്കുമെന്നും തൃണമൂൽ കോൺഗ്രസ് വക്താവ് പറഞ്ഞു.
