കല്പ്പറ്റ: കച്ചവട പങ്കാളിത്തം നല്കാമെന്ന് വിശ്വസിപ്പിച്ച് വയനാട് തൃക്കൈപ്പറ്റ സ്വദേശിയില് നിന്നും ലക്ഷങ്ങള് തട്ടിയെടുത്ത യുവാവ് അറസ്റ്റില് . കാക്കവയല് കളത്തില് വീട്ടില് അഷ്കര് അലി (36) നെയാണ് കല്പ്പറ്റ പോലീസ് അറസ്റ്റ് ചെയ്തത്.
29,20,000 രൂപ ഇയാള് തട്ടിയെടുത്തതായി പരാതിയില്
വലിയ ലാഭം ലഭിക്കുന്ന സീറ്റ് കവര് ബിസിനസില് പങ്കാളിയാക്കാമെന്ന് വിശ്വസിപ്പിച്ചാണ് ലക്ഷങ്ങള് തട്ടിയത്. ഒരു സീറ്റ് കവറിന് 2500 മുതല് 3000 രൂപ വരെ ലാഭം ലഭിക്കുമെന്ന് വിശ്വസിപ്പിച്ച് 29,20,000 രൂപ ഇയാള് തട്ടിയെടുത്തെന്ന് പരാതിയില് പറയുന്നു. പണം മുഴുവന് ലഭിച്ചതിന് ശേഷം ലാഭ വിഹിതം കിട്ടാതെ വന്നതോടെ പോലീസില് പരാതി നല്കുകയായിരുന്നു. ഇയാള് സമാനമായ തട്ടിപ്പ് നടത്തിയിട്ടുണ്ടോയെന്നും പോലീസ് അന്വേഷിക്കുന്നുണ്ട്
