കോവളം: നിയന്ത്രണം വിട്ട സ്കൂട്ടർ മറിഞ്ഞ് വയോധികനായ യാത്രികൻ മരിച്ചു. നെയ്യാറ്റിൻകര തിരുപുറം പഴയകട വെള്ളമോടിവീട്ടിൽ കെ.ശിവകുമാർ (68) ആണ് മരിച്ചത്. ഓഗസ്റ്റ് 30 വെളളിയാഴ്ച രാവിലെ 11.15 ഓടെ വെളളാർ സർവീസ് റോഡിലാണ് അപകടം. വീഴ്ചയിൽ വയറിനും നെഞ്ചിനും ഗുരുതര പരിക്കേറ്റു..മെഡിക്കൽ കോളേജ് ആശുപത്രിയിലെത്തിച്ചുവെങ്കിലും ചികിത്സയിലിരിക്കെ വൈകിട്ട് 4.15 ഓടെ മരിച്ചു. .
സ്കൂട്ടർ ഹമ്പിൽ തട്ടി നിയന്ത്രണം വിട്ട് മറിഞ്ഞായിരുന്നു അപകടം
വെള്ളാറിലെത്തി ഭക്ഷണം കഴിച്ചതിനുശേഷം സർവ്വീസ് റോഡുവഴി കോവളത്തേക്ക് മടങ്ങവെ സ്കൂട്ടർ ഹമ്പിൽ തട്ടി നിയന്ത്രണം വിട്ട് മറിഞ്ഞായിരുന്നു അപകടമെന്ന് കോവളം പോലീസ് പറഞ്ഞു മൃതദേഹം മോർച്ചറിയിലേക്ക് മാറ്റി. ഭാര്യ: കെ. വാസന്തി. മകൾ: വി.എസ്. വീണ. മരുമകൻ. എസ്. ഷാജികുമാർ. സംസ്ക്കാരം ശനിയാഴ്ച വൈകിട്ടോടെ വീട്ടുവളപ്പിൽ
