കൊല്ലം | ദുബൈ ഷാര്ജയില് മലയാളി യുവതി മരിച്ച നിലയില്. കൊല്ലം ചവറ തെക്കുംഭാഗം സ്വദേശി അതുല്യ സതീഷി(30)നെയാണ് ഷാര്ജ റോളയിലെ ഫ്ളാറ്റില് തൂങ്ങിമരിച്ച നിലയില് കണ്ടെത്തിയത്. ഭര്ത്താവ് മദ്യപിച്ച് പീഡിപ്പിക്കാറുണ്ടായിരുന്നുവെന്ന് ബന്ധുക്കള് ആരോപിച്ചു. ജൂലൈ 19 ശനിയാഴ്ച രാത്രിയാണ് അതുല്യയെ തൂങ്ങി മരിച്ച നിലയില് കണ്ടെത്തിയത്. ഷാര്ജ മോര്ച്ചറിയിലേക്ക് മാറ്റിയ മൃതദേഹം നടപടികള്ക്കുശേഷം നാട്ടിലേയ്ക്ക് കൊണ്ടുപോകും.
ന്നരവര്ഷം മുന്പാണ് സതീഷ് അതുല്യയെ ഷാര്ജയില് കൊണ്ടുവന്നത്
ദുബൈയിലുള്ള കെട്ടിട നിര്മാണ കമ്പനിയിലെ എഞ്ചിനിയറാണ് അതുല്യയുടെ ഭര്ത്താവ് സതീഷ്. ഭര്ത്താവ് മദ്യപിക്കുന്നയാളായിരുന്നുവെന്നും അതുല്യയെ ദേഹോപദ്രവം ഏല്പ്പിക്കാറുണ്ടെന്നും ബന്ധുക്കള് പറയുന്നു. ഇതുമായി ബന്ധപ്പെട്ട് ഷാര്ജ പോലീസില് മുന്പ് പരാതി നല്കിയിരുന്നു. ജൂലൈ 19 ന് രാത്രി അതുല്യയുമായി വഴക്കിട്ട് സതീഷ് ഫ്ളാറ്റില് നിന്ന് ഇറങ്ങിപ്പോകുകയും പിന്നീട് തിരികെയെത്തിയപ്പോള് അതുല്യയെ മരിച്ചനിലയില് കണ്ടെത്തുകയായിരുന്നു.ഒന്നരവര്ഷം മുന്പാണ് സതീഷ് അതുല്യയെ ഷാര്ജയില് കൊണ്ടുവന്നത്. നേരത്തെ ഇവര് ദുബൈയിലായിരുന്നു താമസിച്ചത്
ഏക മകള് അതുല്യയു മാതാപിതാക്കളോടൊപ്പം നാട്ടിലാണ്.
.ഏക മകള് ആരാധിക(10) അതുല്യയുടെ മാതാപിതാക്കളായ രാജശേഖരന് പിള്ളയ്ക്കും തുളസീഭായിക്കുമൊപ്പം നാട്ടിലെ സ്കൂളിലാണ് പഠിക്കുന്നത്. ഏകസഹോദരി അഖില ഗോകുല് ഷാര്ജയില് ഇവരുടെ ഫ്ലാറ്റിന് സമീപം താമസിക്കുന്നുണ്ട്. ഭര്ത്താവിന്റെ പീഡനങ്ങളെക്കുറിച്ച് അതുല്യ അഖിലയോടു പറഞ്ഞിരുന്നു. ഭര്ത്താവ് മര്ദിക്കുന്നതിന്റെ ദൃശ്യങ്ങളും അതുല്യ സഹോദരിക്ക് അയച്ചുനല്കിയിരുന്നു .
