തൃശൂര്: കരുവന്നൂര് സഹകരണ ബാങ്ക് തട്ടിപ്പുകേസില് കെ. രാധാകൃഷ്ണന് എംപി ഇഡിക്കു മുന്നില്ഏപ്രിൽ 8 ചൊവ്വാഴ്ച ഹാജരാകും.ഇഡി ആവശ്യപ്പെട്ട രേഖകള് കഴിഞ്ഞ മാസം 17 ന് തന്നെ സമര്പ്പിച്ചിട്ടുണ്ടെന്ന് കെ. രാധാകൃഷ്ണന് വ്യക്തമാക്കി.
സ്വത്ത്, ബാങ്ക് രേഖകളാണ് സമര്പ്പിച്ചത്.കരുവന്നൂർ കേസുമായി ബന്ധപ്പെട്ട് കെ. രാധാകൃഷ്ണനോട് ഹാജരാകാൻ ഇഡി നേരത്തെ ആവശ്യപ്പെട്ടിരുന്നു. എന്നാല് അദ്ദേഹം ഇഡിക്കു മുന്നില് ഹാജരായിരുന്നില്ല.
കരുവന്നൂർ ഇടപാടുകളുടെ സമയത്ത് സിപിഎമ്മിന്റെ ജില്ലാ സെക്രട്ടറി ആയിരുന്നു രാധാകൃഷ്ണൻ. രാധാകൃഷ്ണന് ജില്ലാ സെക്രട്ടറിയായിരുന്ന കാലത്തെ കണക്കുകള് സംബന്ധിച്ച വിവരങ്ങളാണ് ഇഡി പരിശോധിക്കുന്നത്.
