തിരുവനന്തപുരം | എസ് എസ് എല് സി- പ്ലസ് ടു പരീക്ഷ നാളെ (മാർച്ച് 3 ) തുടങ്ങും. ഒന്നാംഭാഷ പാര്ട്ട് വണ് ആണ് എസ് എസ് എല് സി ആദ്യ പരീക്ഷ. 4,26,990 വിദ്യാര്ഥികളാണ് പരീക്ഷ എഴുതുക. കേരളത്തില് 2,964 പരീക്ഷാ കേന്ദ്രത്തില് 4,25,861ഉം ഗള്ഫിലെ ഏഴ് കേന്ദ്രത്തില് 682ഉം ലക്ഷദ്വീപിലെ ഒമ്പത് കേന്ദ്രത്തില് 447ഉം കുട്ടികള് പരീക്ഷ എഴുതും. 26നാണ് അവസാന പരീക്ഷ. മൂല്യനിര്ണയ ക്യാമ്പ് ഏപ്രില് മൂന്നിന് ആരംഭിക്കും. മെയ് മൂന്നാമത്തെ ആഴ്ച ഫല പ്രഖ്യാപനമുണ്ടാകും. .
ഹയര് സെക്കന്ഡറി രണ്ടാം വര്ഷ പരീക്ഷ തിങ്കളാഴ്ചയും ഒന്നാം വര്ഷ പരീക്ഷ വ്യാഴാഴ്ചയുമാണ് ആരംഭിക്കുക. വൊക്കേഷണല് ഹയര് സെക്കന്ഡറി ഒന്നാം വര്ഷ തിയറി പരീക്ഷ വ്യാഴാഴ്ച തുടങ്ങി 29ന് അവസാനിക്കും. രണ്ടാം വര്ഷ തിയറി പരീക്ഷ തിങ്കളാഴ്ച തുടങ്ങി 26ന് ceഅവസാനിക്കും..
