കണ്ണൂര്‍: കണ്ണൂർ കണ്ണപുരത്തെ ഡിവൈഎഫ്‌ഐ പ്രവർത്തകൻ റിജിത്തിനെ കൊലപ്പെടുത്തിയകേസില്‍ മുഴുവൻ പ്രതികള്‍ക്കും ജീവപര്യന്തം.
കുറ്റക്കാർ എന്ന് കണ്ടെത്തിയ ഒൻപത് ആര്‍എസ്‌എസ് – ബിജെപി പ്രവർത്തകർക്കും തലശ്ശേരി അഡീഷണല്‍ സെഷൻസ് കോടതിയാണ് ജീവപര്യന്തം ശിക്ഷ വിധിച്ചത്.മുഴുവൻ പ്രതികള്‍ക്കുമെതിരെ കൊലക്കുറ്റം തെളിഞ്ഞിരുന്നു.
2005 ഒക്ടോബർ 3നാണ് റിജിത്തിനെ തച്ചൻ കണ്ടി ക്ഷേത്രത്തിനടുത്തുവച്ച്‌ വെട്ടിക്കൊലപ്പെടുത്തിയത്. ആർഎസ്‌എസ് ശാഖ നടത്തുന്നതിനെ ചൊല്ലിയുളള തർക്കത്തെ തുടർന്നായിരുന്നു കൊലപാതകം. ആകെയുളള പത്ത് പ്രതികളില്‍ ഒരാള്‍ വിചാരണക്കിടെ വാഹനാപകടത്തില്‍ മരിച്ചിരുന്നു
ഡിവൈഎഫ്‌ഐ പ്രവർത്തകനായിരുന്നു റിജിത്ത്.
സിപിഎമ്മിൻ്റെ കണ്ണപുരം ബ്രാഞ്ച് അംഗവും ഡിവൈഎഫ്‌ഐ പ്രവർത്തകനുമായിരുന്നു റിജിത്ത്. ജോലി കഴിഞ്ഞ് മടങ്ങുകയായിരുന്ന റിജിത്തിനെയും സുഹൃത്തുക്കളെയും തച്ചൻകണ്ടി ക്ഷേത്രത്തിനടുത്തുവച്ച്‌ ആക്രമിക്കുകയായിരുന്നു. ആക്രമണത്തില്‍ മൂന്ന് പേർക്ക് പരിക്കേറ്റു. പ്രദേശത്ത് ആർഎസ്‌എസ് ശാഖ നടത്തുന്നതിനെ ചൊല്ലിയുളള തർക്കം ഒക്ടോബർ രണ്ടിന് ഉന്തിലും തളളിലുമെത്തിയിരുന്നു.
കേസിൻ്റെ വിചാരണ വേളയില്‍ മൂന്നാം പ്രതി അജേഷ് മരിച്ചു.
പിറ്റേ ദിവസമാണ് കൊലപാതകം. കേസില്‍ 10 പ്രതികളാണുള്ളത്. കേസിൻ്റെ വിചാരണ വേളയില്‍ മൂന്നാം പ്രതി അജേഷ് മരിച്ചു. ആർഎസ്‌എസ്- ബിജെപി പ്രവർത്തകരായ ബാക്കി 9 പ്രതികളും കുറ്റക്കാരെന്നാണ് ജഡ്ജ് റൂബി കെ ജോസ് വിധിച്ചത്. വിവി സുധാകരൻ, കെടി ജയേഷ്, സിപി രഞ്ജിത്, പിപി അജീന്ദ്രൻ, ഐവി അനില്‍, വിവി ശ്രീകാന്ത്, വിവി ശ്രീജിത്, പിപി രാജേഷ്, ടിവി ഭാസ്കരൻ എന്നിവർക്കെതിരെ ജീവപര്യന്തം ശിക്ഷ വിധിച്ചത്
