തിരുവനന്തപുരം: അമേരിക്കയിലെ ഹാൻഡ് റൈറ്റിംഗ് റിപ്പയർ സംഘടിപ്പിച്ച ലോക കൈയക്ഷര മത്സരത്തില് രണ്ടാം സ്ഥാനം നേടി തിരുവനന്തപുരം സ്വദേശിയായ ഫേബ സാറ സജി.പട്ടം സെന്റ് മേരീസ് ഹയർ സെക്കൻഡറി സ്കൂളിലെ പ്ലസ് ടു സയൻസ് വിദ്യാർഥിനിയായ ഫേബ ജൂനിയർ വിഭാഗത്തിലാണ് രണ്ടാം സ്ഥാനം നേടിയത്.
നിരവധി ദേശീയ അന്തർദേശീയ മത്സരങ്ങളില് വിജയം
എഴുത്തിന്റെ മേഖലയില് ഇതിനോടകം തന്റെ മികവു തെളിയിച്ച ഫേബ നിരവധി ദേശീയ അന്തർദേശീയ മത്സരങ്ങളില് വിജയം കൈവരിച്ചിട്ടുണ്ട്. 2023 ലെ സംസ്ഥാന സ്കൂള് കലോത്സവത്തില് മലയാളം, ഇംഗ്ലീഷ് ഉപന്യാസങ്ങളില് എ ഗ്രേഡ്, 2024 ലെ സയൻസ് ടാലന്റ് സെർച്ച് പരീക്ഷയില് സംസ്ഥാന തലത്തില് എ ഗ്രേഡ്, പി.സി. തോമസ് ഫൗണ്ടേഷൻ ഉപന്യാസരചനയില് ഒന്നാംസ്ഥാനം തുടങ്ങി നിരവധി നേട്ടങ്ങള് കൈവരിച്ചിട്ടുണ്ട്. നാലാഞ്ചിറ ആനന്ദഭവനില് സജി ജോസഫിന്റെയും പട്ടം സെന്റ് മേരീസ് സ്കൂള് അധ്യാപികയായ ജെസി ജോർജിന്റെയും മകളാണ് ഫേബ
